San Juan 1:10 - Biblia

¹⁰ Jayawe jae ko jee Ñee wae ou kua ɨwɨ pe. Erëi yepe tëi jae etei uyapo kua ɨwɨ, jesewe kua ɨwɨ pewa reta uikuaa’ä kía ko jae wae.

Guaraní Pe (Western): Simba

¹⁰ Jae ico cua ɨvɨ pe, jare jae uyapo cua ɨvɨ. Ẽrei ɨvɨ pegua reta uicuaa'ã.

San Juan 1:10 Iomraidhean Croise

Génesis 16:13

Jare Tumpa opa uyemɨngeta Agar ndiwe yawe, Agar uyemɨngeta ipɨa pe: “Yepe tëi aecha ma Tumpa cherecha wae, jesewe imeño aiko tekowe pe,” jei. Jáeramo Agar umbɨjee jae ndiwe uyemɨngeta wae: “Nde ko jae Tumpa cherecha wae.”

Génesis 17:1

Abram ime wɨreko noventa y nueve año yawe, Tumpa uyekuaa ye chupe jare jei chupe: “Che ko jae Tumpa chembaepuere tuichaete wae,” jei chupe. “Iñemɨïru kawi che ndiwe jare iyapo jupi waeño.

Génesis 18:33

Jayawe Tumpa opa uyemɨngeta Abraham ndiwe yawe, oo ye. Jare Abraham oo ye jëta wakapi pewa pe.

Isaías 53:3

Jeta wae reta uñamɨtäa jare wɨrɨ̈ro kua kuimbae uiporaraete wae jare tuicha rupi ususere wae. Jae uasa yandeyɨpɨ rupi yawe, yayerowa chuwi jare yande wi yaipota’ä ñamae jese. Jeta wae reta uñamɨtäa kua kuimbae, jare jokua mbae’ä yandewe.

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 1:11

Jae ou judío reta ipɨ. Jare yepe tëi jae reta ko jëtáɨwa, erëitu opaete seri jae reta wɨrɨ̈ro.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 1:3

Jare jae rupi uyekuaa opaete mbaembae reta ime oï wae. Mbaetɨ mbae awe jae uyapo mbae wae.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

Hechos 14:17

Erëitu Tumpa jekuaeño uyekuaaka pewe mbaembae ikawi wae jae uyapo pemaerä wae rupi. Echa’ä jae ombou pewe ama, jare umbɨkuakuaa kawi temitɨ reta ime waerä perembiurä. Jukuärái Tumpa uyapo piyerowia kawi piko waerä.” Jukuärái Pablo jei chupe reta.

1 Corintios 1:21

Echa’ä ipuere’ä kiawe uikuaa Tumpa jukuärái rupi. Jukuärái Tumpa uikuaaka ma yandewe, jare jaeño ko jae iyarakuaa katuete ye wae opaete wae wi. Jare yepe tëi ñee Cristo rewa uyemɨmbeu oï wae mbae’ä ko jeta wae reta pewarä, erëi ime yawe kía jokua ñee re wɨrowia wae, Tumpa uyerowia rewe uepɨ teko onoi wae wi.

1 Corintios 2:8

Añetete mbaetɨ pëti awe mburuwicha yepe kua arakuaa uikuaa wae. Echa’ä mburuwicha reta kua uikuaa yawe, ndarau tëi uyukaka reta kurusu re yandeYa imbaepuere wae yambutuicha wae.

1 Corintios 8:6

Erëi yanemaerä ime pëtiño Tumpa añetete wae. Jae ko yandeRu Tumpa ara pe oï wae. Jae ko uyapo opaete mbaembae, jare yande reta yaiko yambutuicha waerä jae jee. Jare ime wi oï pëtiño yandeYa. Jae ko yandeYa Jesucristo. Jae rupi ko opaete mbaembae uyekuaa. Jare jae rupi ko wi yande reta ime ñanoi tekowe ipɨau wae.

Colosenses 1:16

Echa’ä jae etei umbɨyekuaa opaete mbaembae ara pe oï wae jare ɨwɨ pe oï wae, yaecha wae jare yaecha mbae wae (jokua ko jae opaete araɨwa reta opaño kërái rái ime mbaepuere onoi wae). Jukuärái ko uyekuaa opaetei mbaembae Taɨ rupi etei jare Taɨ imaerä etei wi.

Hebreos 11:3

Yande yarowia Tumpa jei wae re ramo, yaikuaa Tumpa uyapo iñee rupiño ɨwɨ jare opaete ara re ñonoï wae. Jare jukuärái opaete mbaembae yaecha wae Tumpa uyapo mbae awe wi.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.