San Juan 1:1 - Biblia

¹ Iyɨpɨ wiwe ime pëti wae Ñee jee wae. Jae iko Tumpa ndiwe jare jae ko Tumpa etei.

Guaraní Pe (Western): Simba

¹ Ndei mbae uyeyapo mbove, ico Ñee. Jare Ñee ico Tumpa ndive. Jae co Tumpa etei.

San Juan 1:1 Iomraidhean Croise

Génesis 1:1

Iyɨpɨ wiwe Tumpa uyapo ara jare ɨwɨ.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

Isaías 9:6

Oa ma yandewe pëti sambiaɨ kuimbae. Jae ko Tumpa Taɨ etei jae umee yandewe wae. Jare jae ikota yanemburuwicha wasurä. Jare jeita chupe reta: UPURUMBƗARAKUAA KAWIETE WAE, jare TUMPA IMBAEPUERE TUICHAETE WAE, jare YANDERU TUMPA IKOÑO MÁI WAE, jare MBURUWICHA WASU YANEMBƗPƗAKATU WAE. Jukuärái jeita chupe reta.

San Mateo 1:23

“Mase, pëti kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.” Jukuärái jei Tumpa arakaete. Kua tee Emanuel uipota jei, “Tumpa yande ndiwe oï.”

San Lucas 24:53

Jare jekuaeño yuraa reta tupao wasu pe umbutuicha reta waerä Tumpa jee. Jaeño ma.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 1:2

Jukuärái iyɨpɨ wiwe Ñee ikoño mái Tumpa ndiwe.

San Juan 16:28

“CheRu wi etei ko ayu kua ɨwɨ pe. Jare añawe a yeta ma aï kua ɨwɨ wi cheRu oï wae pe,” jei Jesús chupe reta.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 20:28

Jayawe Tomás jei chupe: “¡Nde ko jae cheYa jare cheTumpa!” jei chupe.

San Juan 8:58

Jayawe Jesús jei chupe reta: “Che tae pewe añetete wae, Abraham ndei awe iko mbowe, CHE KO CHE,” jei chupe reta.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

Efesios 3:9

Jare umee wi chewe amɨesäka kawi waerä opaete wae pe kërái jae uyapo oï ipɨayemɨngeta wae. Echa’ä Tumpa opaete mbaembae uyapo wiwe uikuaaka’ä ipɨayemɨngeta kía pe awe. Erëi añawe jae uikuaaka ma yandewe.

Filipenses 2:6

Echa’ä yepe tëi Cristo oyowake oï Tumpa ndiwe jare jae ko Tumpa etei wi, erëi chupe waerä jokua jae’ä ko mbae täta yaipɨsɨ wae rami.

Colosenses 1:15

Mbaetɨ etei kía uecha yandeRu Tumpa. Erëi Taɨ rupi ko yaecha Tumpa uyekuaa mbae wae. Jare Taɨ ko jae opaete mbaembae ime oï wae iYa.

Colosenses 1:17

Jare ndei mbae awe iko mbowe, Taɨ ikoño mái. Jare mbaetɨta tëi mbae ipuere iko Taɨ uyandareko’ä yawe jese.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

Hebreos 13:8

Jesucristo uyembɨambɨe’ä etei iyɨpɨ wiwe, añawe rewa, jare jaeño mái pewa.

Hebreos 7:3

Kua kuimbae Melquisedec, yaikuaa’ä kía ra jae tu jare ichɨ wae. Yaikuaa’ä wi kía iñemoñaa pewa reta ra ko jae wae. Jare yaikuaa’ä wi kërái yawe ra oa, jare kërái yawe ra umano wae. Jáeramo Melquisedec yandepuere yambɨjaanga Tumpa Taɨ re, echa’ä jae ko pëti sacerdote ikoño mái iko wae rami.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.

Apocalipsis 1:11

Jare jokua ñee jei chewe: “Che ko jae Alfa jare Omega jee wae. Che ko jae tenondewaete wae jare taɨkuewaete wae,” jei. Jayawe jei chewe: “Ikuatía pëti tupapire pe ndechata neï wae. Joko wi eraaka kuri jokua tupapire ndikuatía wae ɨwɨ Asia pe kiape cheré wɨrowia wae reta uyembatɨ ñonoï wae pe. Eraaka tëta wasu Éfeso pe, Esmirna pe, Pérgamo pe, Tiatira pe, Sardis pe, Filadelfia pe, jare Laodicea pe,” jei chewe.

Apocalipsis 1:17

Jare aecha yawe, aa parawete ɨwɨ re jae jowai jare apɨta amano wae rami. Jayawe jae oñono ipo iyakata kotɨwa cheré, jare jei chewe: “Awɨye ekɨye. Che ko jae tenondewaete wae jare taɨkuewaete wae,” jei.

Apocalipsis 1:8

Jare yandeYa Tumpa jei: “Che ko jae Alfa jare Omega jee wae,” jei. “Che ko jae iyɨpɨete wae jare iyapɨete wae. Che ko jae jekuaeño oï wae, jare iyɨpɨ wiwe ikoño mái wae, jare jaeño mái pewa ikota wae. Che ko jae opaete mbaepuere anoi wae,” jei.

Apocalipsis 2:8

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Esmirna pe. Ikuatía chupe kua chiñee kuärái: ‘Che ko jae jokua tenondewaete wae jare taɨkuewaete wae. Che amano, erëi aikowe ye.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 22:13

“Che ko jae Alfa jare Omega jee wae. Che ko jae iyɨpɨete wae jare iyapɨete wae. Che ko jae tenondewaete wae jare taɨkuewaete wae,” jei.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.