Josué 1:8 - Biblia

⁸ “Jekuaeño iyemboe kawi chiñee uyekuatía oï wae re. Ara rupi jare pɨ̈tu rupi iyemɨngeta ndepɨa pe jesewa jekuaeño nemandúa ndiyapo kawi waerä opaete che jae wae rupi,” jei. “Jukuärái ndikokatuta jare ikawita ndiko opaete mbaembae ndiyapo wae rupi,” jei.

Josué 1:8 Iomraidhean Croise

San Mateo 12:35

“Jayawe kía ipɨa ikawi oï wae onoi mbae ikawi wae ipɨa pe, jare joko wi omoë iñee ikawi wae,” jei. “Jare kía ipɨa ikawi’ä oï wae onoi ipɨa pe mbae ikawi mbae wae, jare joko wi omoë iñee ikawi mbae wae,” jei chupe reta.

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

San Mateo 7:21

“Jeta wae reta täta rupi jeita chewe, ‘CheYa,’ erëi yurekota’ä opaete jae reta che ndiwe che aï ma yawe opaete wae imburuwicha wasurä jaeño mái pewa. Jaeño cheRu ara pe oï wae jei wae rupi uyapo wae reta yurekota che ndiwe,” jei.

San Mateo 7:24

“Jayawe ime yawe kía uyapɨsaka kua chiñee re wae jare uyapo kawi kua chiñee wae, jae ko pëti kuimbae iyarakuaa katu wae uyapo jëtarä pëti itape wasu re rami,” jei.

San Lucas 11:28

Jayawe Jesús jei chupe: “Jukuärái tëi ko. Erëi uyekoueteta chuwi opaete Tumpa iñee re uyapɨsaka wae reta jare jae jei wae uyapo wae reta,” jei chupe.

San Juan 13:17

“Añawe pe reta pikuaa kawi kua mbaembae reta. Jayawe kua mbaembae reta piyapo yawe, piyekoueteta ko peï kuri,” jei Jesús chupe reta.

San Juan 14:21

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

Efesios 4:29

Jare piyandareko kawi piyé mbae pere wae rupi. Awɨye ñee ikawi mbae wae pemoë. Pemoë ñee ikawi waeño pemɨkɨrëɨ waerä ïru wae reta. Jare jukuärái ipotawe kía piñee re uyapɨsaka wae uñemɨmɨrätata Tumpa re.

Colosenses 3:16

YandeYa Cristo iñee jekuaeño tuiko pepɨa pe. Piyembɨarakuaa päwe opaete arakuaa rewe. Pekäta wi Tumpa pe pemee rewe yasurupái chupe salmo reta, jare himno reta, jare ipotawe käta reta Tumpa jee pembutuicha waerä.

Josué 1:7

“Jayawe iñemɨmɨräta ndekɨye mbae rewe,” jei. “Jare iyapo kawiñoi opaete chiñee Moisés ueya ndewe wae. Jukuärái nemɨamɨrita opaete nderowaicho reta opaete kerupi ndeo wae rupi,” jei.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.