Josué 1:1 - Biblia

¹ Moisés uyeyokui kawi Tumpa pe. Jare jae umano ma yawe, Tumpa jei Moisés imborɨa kuimbae Nun taɨ Josué jee wae pe kuärái:

Josué 1:1 Iomraidhean Croise

Éxodo 24:13

Jayawe Moisés jare imborɨa Josué uyeyapɨkatu reta, jare umbɨpɨ uyupi yuraa reta Tumpa iɨwɨtu wasu re.

San Lucas 16:10

“Ime yawe kía uyandareko kawi mbae michi re wae, jokua nunga yandepuere yarowia katu wi uyandareko kawi waerä mbae tuicha wae re,” jei. “Jae ramiño wi ime yawe kía uyandareko kawi’ä mbae michi re wae, jokua nunga yandepuere’ä yarowia katu uyandareko waerä mbae tuicha wae re,” jei.

Hechos 7:45

“Joko wi, jeta año uasa ma yawe, jokua tupao uasa ïru yanderamɨkue reta ipo pe. Jare jae reta imeño wɨreko jokua tupao Josué uruwata reta yawe kua ɨwɨ pe. Jare Tumpa omombo judío mbae wae reta yanderamɨkue reta wi. Jukuärái yanderamɨkue reta upɨ̈ro kua ɨwɨ chuwi reta. Jare jokua tupao upɨta kua ɨwɨ pe. Jare David iko mburuwicha wasurä yawe, imeño iko,” jei chupe reta.

Romanos 1:1

Che ko jae Pablo, Jesucristo pe ayeyokui wae. Tumpa chereni chemondo waerä opaete kerupi jae jee re amɨmbeu waerä ñee ikawi wae. Jokuaerä etei ko jae cheñono tee. Kua ñee ikawi wae Tumpa wi etei ko ou.

Deuteronomio 34:12

Moisés rupi Tumpa uechaka wi opaete Israel iñemoñaa reta pe imbaepuere tuichaete jare kɨyete pewa.

Deuteronomio 34:5

Jare jokua ɨwɨtini wasu Moab pe, Moisés Tumpa pe uyeyokui wae umano kërái Tumpa uikuaaka chupe wae rupi.

Deuteronomio 34:9

Ndei Moisés umano mbowe, oñono ipo Josué iñäka re. Jokoropi Tumpa umee Josué pe iyarakuaa katu waerä Espíritu Santo rupi. Jáeramo Israel iñemoñaa reta uyapɨsaka Josué jei wae re, jare uyapo reta opaete jokua mbaembae Tumpa jei Moisés pe wae.

Tito 1:1

Cheraɨ Tito, che araaka aï ndewe saludo yandeYa Jesucristo jee re. Che ko jae Pablo. Che ayeyokui Tumpa pe, jare Jesucristo chemondo jae jee re amɨmbeu waerä jesewa. Jae chemondo Tumpa uiparawo wae reta pe amborɨ reta wɨrowia kawi waerä Cristo re jare uikuaa kawi reta waerä yemboe añetete wae. Jokua yemboe uikuaaka chupe reta kërái umbɨyerowia reta waerä Tumpa.

Santiago 1:1

Pe Israel iñemoñaa piko wae reta opaete piñemɨái peï kerupi rupi wae, che araaka aï pewe saludo. Che ko jae Santiago aikuatía aï pewe wae. Che ko jae pëti wae yandeRu Tumpa jare yandeYa Jesucristo pe ayeyokui wae.

Josué 1:2

“Chewe uyeyokui wae Moisés umano ma,” jei. “Jáeramo añawe nde ndiyeyapɨkatuta ko. Echa’ä nde nderuasata ɨ wasu Jordán rupi opaete Israel iñemoñaa reta pike waerä jokua ɨwɨ ikawiete wae pe, che amee aï pewe peɨwɨrä wae pe,” jei.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.