Jonás 3:4 - Biblia

⁴ Jayawe Jonás oo uwäe tëta wasu pe. Jare uike uwata pëti ara ma yawe, joko pe umbɨpɨ umɨmbeu tëta wasu pewa reta pe kuärái: “¡Kua wi cuarenta ara pe Tumpa opata umbái kua tëta wasu Nínive jare opaete kua tëta wasu pewa reta wi!” Jukuärái umɨmbeu chupe reta.

Jonás 3:4 Iomraidhean Croise

Jonás 3:10

Jayawe Tumpa uecha Nínive pewa reta uyapo wae jare kërái ueya reta ma mbae ikawi mbae uyapose wae. Jáeramo Tumpa uiparareko umae jese reta, jare umbɨambɨe ipɨayemɨngeta, jare umbai’ä tëta wasu.

San Mateo 12:41

“Jare uwäe yawe ara piyemboɨ waerä Tumpa jowai, arakae tëta wasu Nínive pewa reta pembɨjekota ñonoï, pe añawe peï wae reta,” jei chupe reta. “Echa’ä arakae rupi Jonás umɨmbeu yawe chupe reta Tumpa iñee, jae reta opa woi ueya ipɨayemɨngeta jupi mbae wae Tumpa rewa. Erëi pe reta piyapo’ä ko jae reta uyapo wae rami, yepe tëi chembaepuere tuichaete ye ko Jonás imbaepuere wi,” jei chupe reta.

San Lucas 11:30

“Echa’ä jokua mbae Jonás pe uyeyapo wae uikuaaka Nínive pewa reta pe añetete ko Tumpa ombou wae. Jukuärái wi che kuimbaerä ayeyapo wae, jokua mbae chewe uyeyapo wae uikuaakata pewe añawe peï wae reta Tumpa ko chembou wae,” jei chupe reta.

San Lucas 11:32

“Jae ramiño wi, uwäe yawe ara piyemboɨ waerä Tumpa jowai, arakae tëta wasu Nínive pewa reta pembɨjekota ñonoï wi, pe añawe peï wae reta,” jei chupe reta. “Echa’ä arakae rupi Jonás umɨmbeu yawe chupe reta Tumpa iñee, jae reta opa woi ueya ipɨayemɨngeta jupi mbae wae Tumpa rewa. Erëi pe reta piyapo’ä ko jae reta uyapo wae rami, yepe tëi chembaepuere tuichaete ye ko Jonás imbaepuere wi,” jei Jesús chupe reta.

Deuteronomio 18:22

Tamɨmbeu pewe. Ime yawe kía jei pewe, ‘Tumpa chembou amɨmbeu waerä pewe kua mbaembae uyeyapota oï wae,’ jei wae, erëi uyeyapo’ä yawe jokua jae jei pewe wae, jayawe Tumpa iñee’ä ko. Jae iñeei ko. Jáeramo awɨye perowia jese,” jei Moisés chupe reta.