Jonás 1:9 - Biblia

⁹ Jayawe Jonás jei chupe reta: “Hebreo ko che. Che ayeyokui Tumpa ikoño mái wae pe. Jae ko opaete mar jare opaete ɨwɨ utini wae iyapoa,” jei.

Jonás 1:9 Iomraidhean Croise

Génesis 1:10

Jare Tumpa umbɨjee jokua utini wae, “ɨwɨ,” jare ɨ yatɨ wae, “mar reta.” Jare Tumpa uecha jokua reta ikawiete ko.

Éxodo 1:15

Jaɨkue rupi mburuwicha wasu ueruruka mokui kuña upurumbɨyekuaku wae reta, Sifra jare Fúa jee wae reta. Jae reta omborɨ kuña hebrea reta imembɨ oa yawe.

Éxodo 2:13

Pɨarewe pe Moisés oo ye uwata jokoropi, jare uecha uñeräro ñonoï mokui hebreo reta. Jayawe Moisés upɨrandu teko iya pe: “¿Marái ramo ndekua neï neïru re?” jei chupe.

Hechos 14:15

“Kuimbae reta, ¡awɨye etei kua piyapo! ¡Ore jae’ä ko tumpa reta! ¡Ore ko jae kuimbae retaño pe reta rami! Ndoyu ko numɨmbeu waerä pewe ñee ikawi wae Tumpa ikoño mái wae rewa. Kua Tumpa uyapo ara, jare ɨwɨ, jare mar, jare opaete mbaembae ime ñonoï pɨpe wae reta,” jei chupe reta. “Jare ore numɨmbeu noï pewe peya waerä petumparaanga usiriwe mbae wae reta jare piyerowa waerä Tumpa tekowe onoi wae kotɨ,” jei chupe reta.

Hechos 27:23

“Echa’ä pɨare uyekuaa chewe pëti araɨwa cheTumpa ayeyokui chupe wae ombou wae.

Filipenses 3:5

Echa’ä che ayembɨcircuncidaka juri ara ma anoi yawe kërái Tumpa arakae jei judío reta pe wae rupi. Che ko jae Israel iñemoñaa pewa jare Abraham jumɨmino Benjamín iñemoñaa pewa. Che ko jae hebreo añetete wae, echa’ä pëti hebreo taɨ ko che. Jae nunga che aikose pëti fariseorä wi, jare jukuärái che aipotase tëi aiko jupi rupi kawi opaete Tumpa jei oreramɨkue reta pe wae rupi.

Apocalipsis 11:13

Jare jupiwoiño ɨwɨ täta ukäta. Jare jokua ɨwɨkäta jeko pewa jeta tëta reta opa uyapara jokua tëta wasu pe. Jare umano wi 7.000 kuimbae jare kuña reta. Jare umano’ä wae reta ukɨyete upɨta reta jare umbutuicha reta Tumpa ara pe oï wae jee.

Apocalipsis 15:4

Opaete wae uipɨueteta ndewi, oreYa, jare umbutuichata ñonoï nderee. Echa’ä ndeeño ko jae jupi wae. Opaete ɨwɨ pewa reta yuweruta umbutuicha waerä nderee. Echa’ä uyekuaa ma mbaembae ndiyapo wae jupi ko.” Jukuärái ukäta reta.