Jonás 1:6 - Biblia

⁶ Jayawe chalana wasu uruwata wae reta itenondewa oo umbɨsareko Jonás, jare iñeeäta rewe jei chupe: “¡Epüa! ¿Ndekueri’ä pa ndeke? Iyerure ndeTumpa pe. Aramoi jae yandepararekota awɨye waerä opa yandeputupa kua mar pe,” jei chupe.

Jonás 1:6 Iomraidhean Croise

Hechos 21:13

Erëi Pablo jei orewe: “¿Maera pa piyao peï? Pe reta chembɨpɨatɨtɨka peï,” jei. “Echa’ä che akɨye’ä etei añeapɨ̈tika waerä Jerusalén pe. Akɨye’ä etei wi amano waerä joko pe yandeYa Jesús pe ayeyokui ramo,” jei orewe.

Romanos 13:11

Pikota ko kua che pumbɨarakuaa aï wae rupi. Awɨye piko kía ike rái wae rami. Echa’ä pikuaa peï koiño ma oï ara yandewe Tumpa yanderepɨ waerä opaete mbaembae kachi wae kua ɨwɨ pewa wi. Añetete ko, yande Cristo re yarowia ramo yawe, jokua ara mbɨrɨ echa iko yandewi. Erëi añawe koiño ma oï yandewe.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.