Jonás 1:3 - Biblia

³ Erëi Jonás uyapo’ä Tumpa jei wae rupi. Jae uipota tëi osi Tumpa wi. Jayawe oo mar jembeɨ kotɨ tëta wasu raɨ Jope jee wae pe. Jare joko pe oo uwäe yawe, ime iko pëti chalana wasu oë pota oo oï ɨwɨ Tarsis kotɨ. Jayawe Jonás umbɨepɨ oo waerä jae reta ndiwe, jare uyupi chalana wasu pe oo waerä mbɨrɨ Nínive wi. Joko wi chalana wasu oë oo ɨwɨ Tarsis kotɨ.

Jonás 1:3 Iomraidhean Croise

Génesis 3:8

Joko wi kaaru yawe, uyandu reta Tumpa mbaewɨyerenda rupi uwata iko. Jayawe Adán jare jembireko uñemi tëi reta Tumpa wi ɨwɨra reta mbaewɨyerenda pewa ipɨte rupi.

Génesis 4:16

Jayawe Caín oë Tumpa jowai wi jare oo iko waerä ɨwɨ Nod jee wae kotɨ. Jokua ɨwɨ oï mbaewɨyerenda Edén wi warasɨ oë wae kotɨ.

Jonás 1:10

“Jae chokui tëi mbae ayapo waerä, erëi che aipota’ä ayapo ramo, asi tëi aï chuwi,” jei chupe reta. Jayawe chalana wasu uruwata wae reta ukɨyete ye, jare jei reta chupe: “¡Ikawi’ä etei ko kua ndiyapo neï wae!” jei reta chupe.

San Lucas 9:62

Jayawe Jesús jei chupe: “Kía umbɨpɨ ma umungúi ɨwɨ arao pɨpe wae jare umae jaɨkue kotɨ wae, ndarau ikawi jokua mbarawɨkɨ pewarä. Jae ramiño wi ime yawe kía uipota uyeyokui Tumpa pe wae, ikawi’ä ko jekuaeño ipɨa pe uyemɨngeta waerä mbaembae ueya ma wae re. Echa’ä Tumpa ndarau uiporu jokua nunga reta iñee umɨmbeu waerä,” jei Jesús chupe.

Hechos 15:38

Erëi jokua ikawi’ä Pablo pe. Echa’ä tenonde yawe, jae reta mbapɨ rewe uparawɨkɨ yureko Tumpa pewarä ɨwɨ Panfilia pe. Erëi Juan Marcos ueya reta jare oo ye chuwi reta jëta kotɨ.

Hechos 26:19

“Jáeramo, chemburuwicha wasu Agripa, chatëɨ'ä ayapo jokua yandeYa chokui ayapo waerä wae,” jei.

Hechos 9:36

Tëta wasu Jope jee wae pe ime iko pëti kuña Cristo re wɨrowia wae Tabita jee wae. Griego ñee pe jae jee Dorcas. Jae uyapoñoi jeta mbaembae ikawi wae, jare jekuaeño omborɨ iparawete wae reta.

Hechos 9:38

Jeräkua ma amokue hermano reta pe Jope pewa Pedro koiño oï tëta wasu raɨ Lida pe. Jáeramo omondo reta mokui kuimbae Lida pe ueruruka waerä Pedro. Jare oo uwäe reta yawe Pedro oï wae pe, jei reta chupe: “Eyu mii ore ndiwe ɨmambae ndepuere rupi,” jei reta chupe.

Hechos 9:42

Kua jeräkua opaete tëta wasu Jope pewa reta pe. Jare jeta wae reta wɨrowia yandeYa Jesucristo re.

Hechos 9:43

Jare Pedro upɨta ɨma tëta wasu Jope pe. Jae iko kuimbae wakapi pɨ̈ta uyapo wae Simón jee wae jëta pe.

1 Corintios 9:16

Che akowara’ä ko pewe ñee ikawi wae amɨmbeu pewe wae re. Erëi yepe tëi ayerowia aï jokua re, jesewe mbaetɨ chepuere ayembutuicha, echa’ä jaeño ko ayapo aï Tumpa jei chewe wae. Erëi Tumpa tuiporaraka chewe amɨmbeu’ä yawe ñee ikawi wae Cristo rewa.

2 Tesalonicenses 1:9

Jáeramo jokua jeko pewa Tumpa opata omombo reta Tatawasurenda pe, jare joko pe jae reta uiporarata ñonoï jaeño mái pewa mbɨrɨete yandeYa wi. Jare ndarau etei uecha reta yandeYa imbaepuere jembipete wae.