Jonás 1:17 - Biblia

¹⁷ Erëi Jonás oa yawe ɨ pe, iputupa’ä, echa’ä Tumpa ombou ma pëti pira wasu uepɨ waerä Jonás. Jokua pira wasu jupiwoi omokui Jonás jekowe rewe. Joko wi Jonás upɨta jekowe rewe mbapɨ ara jare mbapɨ pɨ̈tu rupi pira wasu jɨe pe.

Jonás 1:17 Iomraidhean Croise

Génesis 1:21

Jare Tumpa uyapo opaete tekowe onoi wae reta ɨ rupiwa – tuicha wae reta jare michi wae reta wi. Uyapo wi opa yea wɨra reta. Jare uyapo uñemoña reta waerä jae jee rupii. Jare Tumpa uecha ikawiete ko.

Jonás 2:10

Joko wi mbapɨ ara ma uasa yawe, Tumpa jei pira wasu pe oo ɨembeɨ pe jɨe wi omoë waerä Jonás ɨwɨ utini wae pe. Jare jukuärái pira wasu uyapo.

San Mateo 12:40

“Echa’ä kërái Jonás iko mbapɨ ara jare mbapɨ pɨare jokua pira wasu jɨe pe, jukuärái wi che kuimbaerä ayeyapo wae aïta mbapɨ ara jare mbapɨ pɨare teöwerenda pe,” jei chupe reta.

San Mateo 16:4

“Pe reta añawe peï wae reta, pereko kachi ko jare jupi’ä ma ko peï Tumpa kotɨ,” jei chupe reta. “Pipota tëi ayapo waerä pewe mbae tuicha wae Tumpa imbaepuere pe jukuärái aechaka waerä pewe Tumpa ko chembou wae. Erëi jaeño uasata oï kërái Tumpa iñee arakae umɨmbeu wae Jonás pe uasa wae rami,” jei chupe reta. Jare jukuärái jei yawe, Jesús ueya reta.

San Lucas 11:30

“Echa’ä jokua mbae Jonás pe uyeyapo wae uikuaaka Nínive pewa reta pe añetete ko Tumpa ombou wae. Jukuärái wi che kuimbaerä ayeyapo wae, jokua mbae chewe uyeyapo wae uikuaakata pewe añawe peï wae reta Tumpa ko chembou wae,” jei chupe reta.