Jonás 1:16 - Biblia

¹⁶ Jokua uecha reta yawe, chalana wasu uruwata wae reta uipɨuete Tumpa ikoño mái wae wi. Jayawe taɨkue rupi uyuka reta mbaemɨmba umee waerä chupe. Jare pëti pëti wae jei iyupe: “Kua wiwe che ayeyokuita aï Tumpa ikoño mái wae pe,” jei reta iyupe.

Jonás 1:16 Iomraidhean Croise

Génesis 28:20

Jayawe Jacob jei ipɨa rewe Tumpa pe: “Ndeo yawe che ndiwe, jare ndiyandareko kawi yawe cheré kerupi awata wae rupi, jare nemee chewe yawe cherembiurä jare cheremimonderä, jukuärái aramoi pëti ara rupi chepuere ayu yewɨ cheru jëta pe yawe chepɨawiwe rewe, jayawe nde ndikota cheTumparä,” jei.

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Jonás 1:10

“Jae chokui tëi mbae ayapo waerä, erëi che aipota’ä ayapo ramo, asi tëi aï chuwi,” jei chupe reta. Jayawe chalana wasu uruwata wae reta ukɨyete ye, jare jei reta chupe: “¡Ikawi’ä etei ko kua ndiyapo neï wae!” jei reta chupe.

Jonás 1:14

Jayawe jäse rewe uyerure reta Tumpa ikoño mái wae pe jare jei reta: “Tumpa, awɨye mii iporaraka orewe kua kuimbae nduyuka noï ramo. Awɨye mii orembɨjeko kua kuimbae imano re, echa’ä nde ndiyapo neï nde ndere wae rupi,” jei reta Tumpa pe.

Marcos 4:31

“Yandepuere yambɨjaanga pëti mostaza jäɨkue re. Jokua jäɨkue michi raɨete ko opaete ïru temitɨ reta ñañotɨ wae wi.

Hechos 5:11

Jare jokua jeräkua opaete Cristo re wɨrowia wae reta pe, jare jeta ïru wae reta pe wi. Jayawe opaete jae reta uipɨuete Tumpa wi.