Jonás 1:14 - Biblia

¹⁴ Jayawe jäse rewe uyerure reta Tumpa ikoño mái wae pe jare jei reta: “Tumpa, awɨye mii iporaraka orewe kua kuimbae nduyuka noï ramo. Awɨye mii orembɨjeko kua kuimbae imano re, echa’ä nde ndiyapo neï nde ndere wae rupi,” jei reta Tumpa pe.

Jonás 1:14 Iomraidhean Croise

Génesis 9:6

“Ipotawe japicha uyuka wae, jae japicha reta tuyuka wi, echa’ä kuimbae ayapo che echa rami,” jei chupe reta.

Jonás 1:13

Erëi uipota’ä tëi uyapo reta jokua. Jáeramo uparawɨkɨ tätaete reta wɨraa waerä tëi chalana wasu ɨembeɨ kotɨ. Erëi jekuaeño jeiete uyepeyu ɨwɨtu, jare ɨaparoaroa tuichaete ye uyeyapo. Jáeramo ipuere’ä etei omboya reta ɨembeɨ re.

Jonás 1:16

Jokua uecha reta yawe, chalana wasu uruwata wae reta uipɨuete Tumpa ikoño mái wae wi. Jayawe taɨkue rupi uyuka reta mbaemɨmba umee waerä chupe. Jare pëti pëti wae jei iyupe: “Kua wiwe che ayeyokuita aï Tumpa ikoño mái wae pe,” jei reta iyupe.

Jonás 1:5

Jayawe chalana wasu uruwata wae reta ukɨyete reta, jare pëti pëti wae jäse rewe uyerure reta itumpa pe. Joko wi omombo reta ɨ pe opaete tewɨta chalana wasu pe iko wae umbɨwewi waerä chalana wasu. Erëi jokua rambuewe Jonás mbaetɨ ma joko pe oï jae reta ndiwe, echa’ä uweyɨ ma chalana wasu japɨpe jare joko pe oke oï.

San Mateo 11:26

“Jukuärái ndiyapo, cheRu, echa’ä jokua nembɨyerowia ramo,” jei uyerure.

Hechos 28:4

Jare joko pewa reta uecha yawe mboi Pablo ipo re usawawa oï wae, jei reta iyupe: “Añetete yepe kua kuimbae upuruyuka wae ko. Yepe tëi umano’ä mar pe, erëi ndarau ikoño jupi’ä ramo,” jei reta.

Efesios 1:11

Jare yande ñaï pëti ramiño Cristo re ramo, Tumpa umee yandewe yandepuere yayekou waerä opaete mbaembae Tumpa onoi Cristo pewarä wae re. Jukuärái ko tenonde wiwe Tumpa ipɨayemɨngeta. Jare jokua jae uipota uyapo wae, jae jekuaeño uyapo.

Efesios 1:9

Jukuärái Tumpa uikuaaka yandewe ipɨayemɨngeta ikawiete wae. Jokua ko jae mbaembae uyapota oï Cristo rupi wae. Jare jokua ipɨayemɨngeta tenonde yawe jae uikuaaka’ä kía pe awe. Erëi añawe uyerowia rewe Tumpa jokua uikuaaka ma yandewe.