Hechos 4:3 - Biblia

³ Jayawe jokua mburuwicha reta uipɨsɨka Pedro jare Juan. Erëi uyemɨngeta’ä reta jae reta ndiwe, echa’ä kaaru ma iko ramo. Jáeramo oñonoka reta peresorɨru pe pɨarewe rewa.

Guaraní Pe (Western): Simba

³ Jayave jae reta uipɨsɨ Pedro jare Juan, jare oñono peresorɨru pe pɨareve regua. Echa'ã caaru ma co.

Hechos 4:3 Iomraidhean Croise

San Mateo 4:12

Joko wi mbowɨ ara rupi, mburuwicha wasu Herodes oñonoka Juan upurumbɨsakambu wae peresorɨru pe. Jayawe kua jeräkua Jesús pe yawe, jae oo ye ɨwɨ Galilea pe.

San Lucas 22:52

Yuweru wi joko pe sacerdote itenondewa reta, jare sɨndaro tupao wasu iyandarekoa reta, jare ïru judío itenondewa reta. Jare Jesús jei chupe reta: “¿Maera pa peyu chekotɨ kɨsepuku rewe jare ɨwɨra rewe? ¿Jae yerá che imonda jeko kachi wae?” jei.

San Lucas 22:54

Jayawe uipɨsɨ reta Jesús jare wɨraa reta sacerdote tenondewaete jëta pe. Jare Pedro oo jae reta jaɨkue, erëi mbɨrɨ katu mii upɨta chuwi.

San Juan 18:12

Jayawe jokua sɨndaro reta itenondewa ndiwe uipɨsɨ reta Jesús jare uñapɨ̈ti reta ipo.

Hechos 5:18

Jáeramo uipɨsɨka jare oñonoka reta peresorɨru tëta wasu pe oï wae pe.

Hechos 6:12

Jukuärái jae reta ombopochɨka Esteban kotɨ jeta tëta wasu pewa reta, jare tëta wasu pewa itenondewa reta, jare Moisés uikuatía wae re oporomboe wae reta wi. Jayawe uipɨsɨ reta Esteban, jare wɨraa reta judío imburuwicha reta jowai.

Hechos 8:3

Jare Saulo jekuaeño uiporaraka täta rupi Cristo re wɨrowia wae reta pe. Jae oo ueka reta tëta tëta rupi, jare umbɨtɨrɨrɨ wɨraa kuimbae reta jare kuña reta wi oñonoka waerä peresorɨru pe.

Hechos 9:2

Jayawe oo ueka tupapire sacerdote tenondewaete pe uikuatía waerä chupe. Echa’ä jokua tupapire Saulo ipuere uechaka pëti pëti tupao reta itenondewa pe. Jukuärái jae reta uikuaata Saulo, jare umeeta chupe mbaepuere uipɨsɨ waerä opaete Cristo re wɨrowia wae reta Damasco pe ñonoï wae reta. Echa’ä Saulo uipota uipɨsɨ ueru ye reta Jerusalén pe – kuimbae reta jare kuña reta wi – uiporaraka waerä chupe reta.