Hechos 2:4 - Biblia

⁴ Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

Guaraní Pe (Western): Simba

⁴ Jayave opaete joco pe ñugüɨnoi vae reta tɨnee Espíritu Santo pe, jare umbɨpɨ uyemɨngueta reta ambɨe vae iñee Espíritu Santo umee chupe reta uyemɨngueta vaerã vae pe.

Hechos 2:4 Iomraidhean Croise

San Mateo 10:19

“Erëi jae reta pemee yawe mburuwicha reta pe, awɨye piyembɨpɨa’ä mbae pere waerä jare kërái piyemɨngeta waerä. Echa’ä jokua ora etei Tumpa uikuaakata oï pewe mbae pere waerä,” jei.

Marcos 16:17

“Jare jeta wae reta uechata cheré wɨrowia wae reta uyapo ñonoï kua nunga mbaembae reta: Cheree re jae reta omoëta aña uyembɨiya jese wae reta wi. Jare uyemɨngetata reta ambɨe ñee reta pe – jokua jae ñee mbaetɨi uyemɨngeta pɨpe wae.

San Lucas 1:15

echa’ä Tumpa umaeta jese pëti kuimbae jeräkua wae rami,” jei. “Nderaɨ awɨye etei tou vino jare ipotawe mbae upurumbɨsawɨpo wae. Añetete nderaɨ ichɨ jɨe pe oï wiwe imeta onoi Espíritu Santo imbaepuere,” jei chupe.

San Lucas 1:41

Jare Elisabet uyandu yawe María iñee, Elisabet imembɨ omɨ raí jɨe pe. Jare Espíritu Santo imbaepuere rupi Elisabet

San Lucas 1:67

Jayawe Zacarías ipuere ma uyemɨngeta ye yawe, jawoi pewa Espíritu Santo umee chupe ñee umɨmbeu waerä. Jare Espíritu Santo imbaepuere rupi jei kuärái:

San Lucas 12:12

Echa’ä jokua ora etei Espíritu Santo uikuaakata oï pewe mbae pere waerä,” jei Jesús jemimboe reta pe.

San Lucas 21:15

Echa’ä che etei ameeta pewe ñee jare arakuaa piyemɨngeta waerä. Jare jukuärái pëti awe perowaicho reta ipuereta’ä peré jare uikuaata’ä mbae jei waerä pewe,” jei chupe reta.

San Lucas 4:1

Jayawe Jesús ou ye ɨ wasu Jordán wi Espíritu Santo imbaepuere rewe. Jayawe jae oo Espíritu Santo jei wae rupi ɨwɨtini wasu kotɨ tëta mbae rupi.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 20:22

Jare kua jei yawe, Jesús omondo ipütúe ikotɨ reta jei rewe: “Penoi Espíritu Santo,” jei chupe reta.

Hechos 1:5

Echa’ä mbowɨ ara rupi Espíritu Santo outa pepɨa pe iko waerä. Jare kërái Juan karamboe rupi pembɨsakambu ɨ pe rami, jukuärái wi Espíritu Santo peñonota pe reta peï waerä pëti ramiño che ndiwe,” jei Jesús chupe reta.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 10:46

Uikuaa yureko reta Tumpa umee ma chupe reta wae, echa’ä uyandu reta umbutuicha yureko Tumpa jee ambɨe ye ye ñee reta jae reta uyemɨngeta mbaei pɨpe wae rupi.

Hechos 10:47

Jayawe Pedro jare jokua ïru hermano judío reta jei iyupe reta: “Ou ma Espíritu Santo oï waerä jae reta ipɨa pe, ou yandepɨa pe wae rami. Jáeramo ikawi ko yambɨsakambu reta waerä ɨ pe,” jei iyupe reta.

Hechos 11:15

“Jayawe che ambɨpɨ amboe reta yawe, aramoiño Espíritu Santo ou umɨmbaepuere reta kërái ou yandewe yanemɨmbaepuere Pentecostés ara pe rami,” jei chupe reta.

Hechos 11:24

Bernabé ko jae kuimbae jupi wae, jare wɨrowia kawi Tumpa re wae, jare uyekuaa jese Espíritu Santo jei wae rupi iko wae. Jayawe jae omborɨ jeta jokua tëta wasu pewa reta wɨrowia waerä yandeYa re.

Hechos 13:52

Jesewe Cristo re wɨrowia wae reta tëta wasu pe yureko wae uyerowiaete reta. Jare uyekuaa jese reta Espíritu Santo jei wae rupi yureko reta wae.

Hechos 13:9

Jayawe Saulo – jae ko jee Pablo griego ñee pe – umae ngatu ipaye wae re. Jare Espíritu Santo imbaepuere rupi jei chupe kuärái:

Hechos 15:8

“Tumpa uikuaa opaete wae ipɨa pe oï wae. Jare jae uechaka uyerowia ko umae jese reta wae, echa’ä umee wi chupe reta Espíritu Santo yandewe umee wae rami,” jei.

Hechos 19:6

Joko wi Pablo oñono ipo jese reta jare ou jese reta Espíritu Santo. Jare umbɨpɨ uyemɨngeta reta ambɨe ye ye wae iñee pe kërái Espíritu Santo umbɨyemɨngetaka wae rupi. Jukuärái umɨmbeu reta ñee Tumpa wi etei ou wae.

Hechos 2:3

Jayawe uyekuaa chupe reta tata echa rami. Jokua uyembɨyaoyao jare ou uyemboɨ pëti pëti wae iáramo.

Hechos 4:31

Jayawe, opa ma uyerure reta yawe Tumpa pe, aramoiño umbɨpɨ uñemɨtɨmo chupe reta kiape uyembatɨ ñonoï wae pe. Jare opaete jae reta Espíritu Santo umɨmbaepuere reta. Jáeramo joko wiwe umɨmbeu reta Tumpa iñee ukɨye mbae rewe.

Hechos 4:8

Jayawe Espíritu Santo imbaepuere rupi, Pedro jei chupe reta kuärái: “Mburuwicha reta jare Israel pewa itenondewa reta,” jei.

Hechos 6:3

“Jáeramo hermano reta, piparawo pepɨte wi chiu kuimbae pemae kawi jese wae reta,” jei. “Tuiko kuimbae reta iyarakuaa katu wae jare uyekuaa jese reta Espíritu Santo jei wae rupi yureko reta wae. Jare jae reta tuyapo yandewe jokua mbarawɨkɨ,” jei.

Hechos 6:5

Jayawe jokua jei reta wae ikawi opaete hermano reta pe. Jáeramo jae reta uiparawo kua kuimbae reta: Tenonde uiparawo reta Esteban jee wae. Jae wɨrowia kawi Tumpa re jare uyekuaa jese Espíritu Santo jei wae rupi iko wae. Uiparawo reta wi Felipe, Prócoro, Nicanor, Timón, jare Parmenas jee wae reta. Jare uiparawo reta wi Nicolás jee wae – jae ko tëta wasu Antioquía jee wae pewa. Ndei wɨrowia Cristo re mbowe, jae judiorä uyeyapo.

Hechos 6:8

Jayawe jokua chiu kuimbae reta wi pëti wae ko jee Esteban. Jae ipɨrätaete Tumpa kotɨ. Jare Tumpa umee chupe arakuaa jare mbaepuere jekuaeño uyapo waerä mbaembae kiawe ipuere’ä uyapo wae opaete wae reta jowai.

Hechos 7:55

Erëi Esteban ukɨye’ä etei chuwi reta, Espíritu Santo umɨmbaepuere ramo. Jae umae ara kotɨ jare uecha yandeRu Tumpa imbaepuere uwerasɨete ye wae, jare uecha wi Jesús uyemboɨ oï Tumpa iyakata kotɨ.

Hechos 8:17

Jayawe opa uyerure reta yawe, Pedro jare Juan umbɨpɨ oñono ipo pëti pëti wae re jare Espíritu Santo ou jese reta.

Hechos 9:17

Jayawe Ananías oë oo owäiti waerä Saulo. Jare oo ma uwäe chupe yawe, oñono ipo Saulo jesa re jare jei chupe: “Cherɨwɨ Saulo, yandeYa Jesús etei uyekuaa ndewe ndeyu ndiko tape rupi rambuewe,” jei. “Jae ko chembou ndepɨ nemae ye waerä jare Espíritu Santo umee waerä ndewe mbaepuere,” jei chupe.

Romanos 15:13

Tumpa ko jae umee yandewe yerowia wae, echa’ä yaikuaa kawiete jae uyapota opaetei mbaembae jae jei uyapota oï yandewe wae. Jayawe jekuaeño jae tumee pewe yerowia jare tuyapo pepɨakatu waerä perowia jese wae rupi. Jukuärái yawe, jekuaeño peärota perowia katu rewe Espíritu Santo imbaepuere rupi.

1 Corintios 12:10

Jare jae nunga wi Espíritu Santo umee ïru wae reta pe uyapo waerä mbaembae tuicha wae kiawe ipuere’ä uyapo wae. Jare ïru wae reta pe umee umɨmbeu waerä ñee Tumpa wi etei ou wae. Jare umee wi ïru wae reta pe uikuaa kawi waerä ñee ou ra Espíritu Santo wi ani ou ra aña wi. Jare umee ïru wae reta pe ñee ambɨe ye ye wae uyemɨngeta waerä – jae ko jae ñee uyemɨngeta mbaei pɨpe wae. Jare ïru wae reta pe Espíritu Santo umee ipuere waerä umbɨasa iñee pei jokua ambɨe ye ñee reta wae. Jukuärái ko amokue mbaepuere reta Espíritu Santo umee yandewe wae.

1 Corintios 13:1

Aramoi chepuere ayemɨngeta ambɨe ye ye ñee reta pe, jare araɨwa reta iñee pe awe aramoi. Erëi che apuruau’ä yawe, chiñee ko ïru wae reta pe käpana jɨapu pɨi oï wae rami jare platillo täta uyendu pochɨño wae rami.

1 Corintios 13:8

Jekuaeño imeta yapuruau waerä. Erëi jokua ñee reta Tumpa etei umee yandewe yamɨmbeu waerä wae opata ko. Jae nunga wi jokua mbaepuere ime oï ambɨe ye ye ñee reta pe yayemɨngeta wae ukañɨta oï. Jae nunga wi jokua mbaepuere ime oï yaikuaa kawi waerä mbaembae ïru wae reta uikuaa kawi’ä wae opata ko wi.

1 Corintios 14:18

Che amee yasurupái Tumpa pe kërái jetaete ayemɨngeta ambɨe ye ye ñee reta pe opaete pe reta wi.

1 Corintios 14:5

Che jae’ä ko aï pewe mbaetɨ ikawi piyemɨngeta waerä ambɨe ye ye ñee reta pe. Añetete che aipota echa tëi opaete pe reta pepuere waerä piyemɨngeta ambɨe ye ye ñee reta pe. Erëi aipotaete tëi pepuere waerä pemɨmbeu ñee Tumpa wi etei ou wae. Jokua ikawita tëi ko. Echa’ä jukuärái rupi opaete yembatɨ pe ñonoï wae reta ipuereta uyekou kawi. Erëi ndarau uyekou reta piyemɨngetaiño yawe ambɨe ye ye ñee reta pe jare mbaetɨ yawe kiawe ipuere umbɨasa jokua ñee ñaniñee pe wae.

Efesios 3:19

Mbaetɨ kiawe ipuere uikuaa opaete Cristo yanderau wae rewa, echa’ä tuichaete ye ko. Jáeramo aeka aï Tumpa pe jekuaeño pembɨpɨarakuaa waerä jesewa, jare jukuärái peya katu waerä Tumpa jeko jupi wae re. Jukuärái ayerure aï chupe peré.

Efesios 5:18

Jare awɨye pekause, echa’ä jokua pereruwata kachi rupi. Espíritu Santo uipota pereruwata piko waerä jupi wae rupi. Jayawe piñemee chupe jae pemɨmbaepuere waerä.

Efesios 6:18

Jare Tumpa umee wi yandewe pëti tembiporu ye – jae ko yerure. Jayawe jekuaeño piyerure Tumpa pe. Pekañoi chupe pemborɨ waerä kërái Espíritu Santo uikuaaka oï pewe wae rupi. Jare awɨye peakɨ piyerure waerä chupe opaete kerupi ñonoï Cristo re wɨrowia wae reta re.

1 Pedro 1:12

Erëi Tumpa uikuaaka chupe reta jokua ñee Cristo rewa wae mbaetɨ ko jae reta imaerä. Jae ko yanemaerä, yande añawe rupi yaiko wae reta pewarä. Jare añawe pe reta pikuaa ma ko kua mbaembae rewa, echa’ä ou ma umɨmbeu pewe amokue wae reta ñee ikawi wae umɨmbeu wae. YandeYa Cristo ombou ma Espíritu Santo ara wi, jare Espíritu Santo imbaepuere rupi jae reta umɨmbeu jokua ñee. Añetete araɨwa retawe uipota echa uikuaa kawi kua mbaembae rewa.

2 Pedro 1:21

Tumpa etei ko umee chupe reta iñee. Jare jokua ñee jae reta umɨmbeu Espíritu Santo imbaepuere rupi.