Hechos 2:3 - Biblia

³ Jayawe uyekuaa chupe reta tata echa rami. Jokua uyembɨyaoyao jare ou uyemboɨ pëti pëti wae iáramo.

Guaraní Pe (Western): Simba

³ Jayave uyecuaa chupe reta tataendɨ rami. Cua uyecuaa penti penti iyapɨte re.

Hechos 2:3 Iomraidhean Croise

Génesis 11:6

Joko wi Tumpa oo yewɨ ara pe jare jei: “¡Mase! Kua kuimbae reta jaeramo umbɨpɨ uparawɨkɨ ñonoï jare jeta mbaembae uyapo ma reta, echa’ä uyeyapo ñonoï pëti ramiño jare uyemɨngeta reta pëti ñee peño ramo. Jayawe ɨmambaeño ipuereta tëi opa uyapo reta opaete mbaembae ipɨayemɨngeta jese wae,” jei.

San Mateo 3:11

“Che pumbɨsakambu ɨ pe yaechaka waerä peya ma ko pepɨayemɨngeta jupi mbae wae Tumpa rewa,” jei chupe reta. “Erëi cheraɨkue rupi outa pëti wae imbaepuerete chewi wae. Jare che jupi’ä etei ko ipɨpasa mii yepe araa waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

San Mateo 3:15

Erëi Jesús jei chupe: “Emaeño tayembɨsakambuka ndewe. Echa’ä jukuärái uyeyapota jupi rupi Tumpa uipota wae,” jei chupe. Jayawe Juan umbɨsakambu Jesús.

San Lucas 24:32

Jayawe jei reta iyupe: “Jáeramo yepe yayerowiaete yaiko jae tape rupi umɨesäka yandewe yawe Tumpa iñee,” jei reta.

Hechos 1:15

Jayawe pëti ara Cristo re wɨrowia wae reta joko pe uyembatɨ 120 rupi. Jare Pedro uyemboɨ jae reta ipɨte pe jare jei chupe reta:

Hechos 2:2

Jare aramoiño uyendu ara wi mbae jɨapu wae pëti ɨwɨtu täta ou oï wae rami. Jokua jɨapu wae opa tɨnee tëta japɨpe jae reta uwapɨ ñonoï wae pe.

Hechos 2:4

Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

1 Corintios 12:10

Jare jae nunga wi Espíritu Santo umee ïru wae reta pe uyapo waerä mbaembae tuicha wae kiawe ipuere’ä uyapo wae. Jare ïru wae reta pe umee umɨmbeu waerä ñee Tumpa wi etei ou wae. Jare umee wi ïru wae reta pe uikuaa kawi waerä ñee ou ra Espíritu Santo wi ani ou ra aña wi. Jare umee ïru wae reta pe ñee ambɨe ye ye wae uyemɨngeta waerä – jae ko jae ñee uyemɨngeta mbaei pɨpe wae. Jare ïru wae reta pe Espíritu Santo umee ipuere waerä umbɨasa iñee pei jokua ambɨe ye ñee reta wae. Jukuärái ko amokue mbaepuere reta Espíritu Santo umee yandewe wae.

Santiago 3:6

Jare jukuärái wi ñaniñee kachi wae reta jare ndaye reta tata rami ko, jare jokua jeko pewa jeta mbae ikawi mbae wae uyeyapo. Añetete opaete yanderete pe oï wae ipɨte wi, mbaetɨ ye ïru mbae ñanererükumewa wae yandeyuru rami. Jare yande yandesɨ wi yaa wiwe yanderekowe opa rewa, ñaniñee pëti tata rami ko. Echa’ä jokua yande yae wae jeko pewa ipuere jeta uyeyapo mbae ikawi mbae wae. Jare ¿kiawi ra ou jokua ñee kachi wae? Añawasu wi etei ko ou.

Apocalipsis 14:6

Jayawe aecha ïru araɨwa uwewe oï ɨwate rupi. Jae ime onoi ñee umɨmbeu waerä opaete ambɨembɨe ɨwɨ pewa reta pe kerupi rupi ñonoï wae rupi jare opa kërái rái ñee pe uyemɨngeta wae reta rupi. Jokua ñee araɨwa umɨmbeu wae jaeño mái pewa ko ikawi.