Hechos 13:3 - Biblia

³ Jayawe jokua ara reta opa yawe yerure ukaru mbae rewe wae, oñono reta ipo Bernabé jare Saulo re, jare uyerure reta Tumpa pe jese reta omborɨ reta waerä. Jayawe ramo hermano reta joko wi omondo.

Guaraní Pe (Western): Simba

³ Jare uyecuacu reta tembíu güi, jare uyerure reta Tumpa pe. Jayave ĩru reta oñono ipo jese reta jare omondo.

Hechos 13:3 Iomraidhean Croise

Números 27:23

Jare joko pe Moisés oñono ipo Josué iñäka re, jare umbɨjee Israel iñemoñaa reta imburuwicharä kërái Tumpa jei chupe wae rupi.

San Lucas 2:37

Jare ime umano chuwi wiwe wɨreko yewɨ ochenta y cuatro año ime mbae. Añawe jae usɨrɨ'ä tupao wasu joka wi. Jare oñono teeñoi ara reta ukaru mbae waerä, jukuärái umbutuicha waerä Tumpa jee. Jare uyerureñoi Tumpa pe ara rupi jare pɨ̈tu rupi. Jukuärái Ana uyeyokui Tumpa pe.

Hechos 1:24

Jayawe uyerure reta Tumpa pe kuärái: “OreRu Tumpa, Judas opia kua mbarawɨkɨ wi ikawi mbae wae uyapo ramo, jare oo ma jendarä jae uiparawo wae pe. Nde ndikuaa opaete wae ipɨa. Echaka jayawe orewe kía nunga ra ndiparawo ma Judas ipepɨka pe kua mokui kuimbae ipɨte wi, jae oremborɨ waerä kua mbarawɨkɨ pe.” Jukuärái uyerure reta Tumpa pe.

Hechos 13:2

Pëti ara jokua kuimbae reta uñeñono tee ukaru mbae waerä amokue ara rupi uyerure reta waerä Tumpa pe. Jare uyerure yureko reta rambuewe, Espíritu Santo jei chupe reta: “Piñono tee pepɨte wi Bernabé jare Saulo uyapo reta waerä mbarawɨkɨ amee aï chupe reta wae,” jei chupe reta.

Hechos 13:4

Jayawe Bernabé jare Saulo yuraa kiape Espíritu Santo jei chupe wae rupi umɨmbeu reta waerä Jesús rewa. Jare Juan Marcos oo wi jae reta ndiwe omborɨ reta waerä. Jayawe oë yuraa reta Antioquía wi tëta wasu Seleucia jee wae pe. Joko pe uyupi reta pëti chalana wasu pe jare oë yuraa reta pëti ɨwɨ ɨ mbɨte pe oï wae Chipre jee wae kotɨ. Jare yuraa uwäe yawe Chipre pe, yuraa reta tëta wasu Salamina jee wae pe. Joko pe umɨmbeu reta Tumpa iñee judío reta itupao reta rupi.

Hechos 14:23

Jare kiape kiape uyembatɨ Cristo re wɨrowia wae reta, jokua ipɨte wi Pablo jare Bernabé uiparawo jare umbɨjee itenondewa retarä. Jare jekuaeño ndei oë yuraa reta mbowe, Pablo jare Bernabé oñono tee amokue ara reta ukaru mbae uyerure reta waerä Tumpa pe jese reta. Jare jukuärái oñono reta jokua tenondewa reta Tumpa ipo pe.

Hechos 14:26

Jare joko wi uyupi reta chalana wasu pe, jare mar rupi uasa yuraa ye reta tëta wasu Antioquía pe. Echa’ä joko pe tenonde yawe hermano reta oñono Pablo jare Bernabé Tumpa ipɨakawi wae ipo pe, jare omondo reta joko wi uyapo reta waerä jokua mbarawɨkɨ. Jare añawe Pablo jare Bernabé opa ma uyapo reta jokua mbarawɨkɨ.

Hechos 15:40

Jare Pablo uiparawo Silas iwataïrurä. Jare ndei yuraa reta mbowe, hermano reta uyerure Tumpa pe jese reta jare oñono reta Tumpa ipɨakawi wae ipo pe.

Hechos 6:6

Joko wi wɨraa reta jokua chiu kuimbae reta Jesús jemimboe tenondewaete reta jowai. Jayawe Jesús jemimboe tenondewaete reta uyerure Tumpa pe jese reta Tumpa omborɨ reta waerä. Jare Tumpa pe uyerure reta rambuewe, oñono reta ipo jokua chiu kuimbae reta re. Jukuärái uyapo reta uikuaaka waerä opaete hermano reta pe Tumpa umee kua kuimbae reta pe mbaepuere uyapo reta waerä jokua mbarawɨkɨ.

Hechos 9:17

Jayawe Ananías oë oo owäiti waerä Saulo. Jare oo ma uwäe chupe yawe, oñono ipo Saulo jesa re jare jei chupe: “Cherɨwɨ Saulo, yandeYa Jesús etei uyekuaa ndewe ndeyu ndiko tape rupi rambuewe,” jei. “Jae ko chembou ndepɨ nemae ye waerä jare Espíritu Santo umee waerä ndewe mbaepuere,” jei chupe.

Romanos 10:15

Jare ¿këraita ra kía ipuere umɨmbeu chupe reta, Tumpa omondo’ä kía yawe? Kërái Tumpa iñeerɨru pe jei oï wae rami: “Ikawiete ko kía ou umɨmbeu yawe ñee ikawi wae.”

1 Timoteo 4:14

Jekuaeño iyapo mbarawɨkɨ Tumpa umee ndewe wae. Echa’ä Tumpa umee ma ndewe mbaepuere opa ndiyapo waerä jokua mbarawɨkɨ. Nemandúa kawi neï kërái karamboe Cristo re wɨrowia wae itenondewa reta oñono ipo nderé jare uyerure reta Tumpa pe nderé. Jare nemandúa neï kërái Espíritu Santo umee ñee pëti wae pe jokua mbaepuere Tumpa umee iko ndewe wae rewa. Awɨye neakañɨ jokua wi, jare jekuaeño iñemɨatangätu ndiporu waerä jokua mbaepuere ndiyeyokui kawi waerä Tumpa pe.

1 Timoteo 5:22

Jare awɨye iñemɨani nembɨjee waerä kía Cristo re wɨrowia wae reta itenondewarä. Imeta ko ndikuaa kawi rani jeko. Echa’ä uyekuaa yawe jae yepe jeko kachi wae, nde nenoita wi teko jokua re Tumpa jowai, echa’ä nde nembɨjee tenondewarä ramo. Jayawe iyandareko kawi ndiyé awɨye waerä ndiyapo mbae ikawi mbae wae.

2 Timoteo 1:6

Jáeramo che numɨmandúa kua re: Ndikuaa neï kërái karamboe chepo añono nderé yawe, Tumpa umee ndewe mbaepuere ndiyeyokui kawi chupe waerä. Jayawe kërái kía uapɨ̈ña tata oï wae rami, jukuärái wi iñemɨatangätu jokua mbaepuere re ndiyapo kawi waerä mbarawɨkɨ Tumpa umee ndewe wae.

2 Timoteo 2:2

Nde ndiyandu jeta wae reta ndiwe yemboe añetete wae che jae wae. Jayawe jokua yemboe emɨmbeu yuapɨ ye kuimbae nderowia katu jese wae reta pe, jae reta ipuere waerä omboe yuapɨ ye ïru wae reta pe.

3 Juan 1:6

Amokue jae reta kua pe imiäri nderé hermano reta jowake kërái nde ndepuruauete ko. Che tae ndewe, ikawita ko nde jekuaeño nemborɨ waerä kua nunga reta, jae reta oë oo ye oï reta yawe nerëta wi. Iyapo mii ikawi wae chupe reta Tumpa umbɨyerowia wae.

3 Juan 1:8

Jáeramo ikawi ko yande yamborɨ waerä kua nunga reta. Echa’ä jukuärái yandepuere yaparawɨkɨ pëti ramiño jae reta ndiwe ñee añetete wae jekuaeño uyemɨmbeu waerä.