Hechos 1:3 - Biblia

³ Echa’ä Jesús umano jare jekowe ye yawe, jeta wese uyekuaa chupe reta cuarenta ara rupi. Jare jae uyekuaaka kawi chupe reta jae jekowe ye wae. Uikuaaka wi chupe reta këraita oï wae Tumpa oï ma yawe opaete wae imburuwicha wasurä jaeño mái pewa.

Guaraní Pe (Western): Simba

³ Jesús imano rendave pe, uyecuaa chupe reta. Jae reta uicuaa catu jae icove ye co jeta mbaembae uyapo jovaque vae jeco pegua. Jesús uyecuaa chupe reta cuarenta ara, jare umɨngueta reta Tumpa iporoyocuia re.

Hechos 1:3 Iomraidhean Croise

San Mateo 21:43

“Jáeramo pe reta chererɨ̈ro ramo, che tae pewe, pe reta ndarau peï Tumpa ndiwe jae oï ma yawe opaete wae imburuwicha wasurä jaeño mái pewa. Echa’ä Tumpa umeeta oï ïru wae reta pe jokua jae uyapɨkatu tëi pemaerä wae. Jare jae reta uyeyokui kawita Tumpa pe,” jei chupe reta.

San Mateo 28:9

Jare yuraa yureko reta rambuewe, aramoiño Jesús uyekuaa chupe reta jei rewe: “Pepüa ma, ¿kërái pa peï?” jei chupe reta. Jayawe kuña reta oya yuraa ikotɨ, jare uñeñono ɨwɨ re uikuäwa ipɨ rupi, jare umbutuicha reta Jesús.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 4:2

Jesús iko joko pe cuarenta ara rupi ukaru mbae rewe. Jáeramo iyembaɨete iko.

Marcos 16:19

Jayawe yandeYa Jesús opa ma jemimboe reta umɨngeta yawe, uyereraa ara pe. Jare uwapɨ yandeRu Tumpa iyakata kotɨ jae ndiwe onoi waerä mbaepuere.

San Juan 20:26

Jare juri ara ma uasa yawe, Jesús jemimboe reta jekuae ñonoï ye jokua o pe. Jare jokua wese Tomás joko pe oï wi jae reta ndiwe. Jae nunga öke reta uyeyukenda kawi oï ye. Erëi jesewe Jesús ou ye uyemboɨ jae reta ipɨte pe jare jei chupe reta: “Pepɨakatu,” jei.

San Juan 21:1

Kua jaɨkue rupi Jesús uyekuaa ye jemimboe reta pe ɨpa wasu Tiberias jee wae jembeɨ pe. Kua uyeyapo kuärái:

San Juan 21:14

Kua re mbapɨ wese ma Jesús uyekuaa jemimboe reta pe ikowe ye ou wiwe umanokue wae reta ipɨte wi.

Hechos 13:31

Jare jeta wese Jesús uyekuaa jemimboe reta pe. Jae reta ko yuraa jae ndiwe ɨwɨ Galilea wi Jerusalén pe wae reta. Jare jae reta etei añawe umɨmbeu ñonoï jesewa ñanerëtara judío reta pe,” jei Pablo chupe reta.

Hechos 19:8

Jare joko wi mbapɨ yasɨ rupi Pablo jekuaeño oo uike judío reta itupao pe mbutuu ara reta rupi. Jare ukɨye mbae rewe uikuaaka chupe reta kërái Tumpa umee Jesús iko waerä opaete wae imburuwicha wasurä jaeño mái pewa jare kërái yayekou waerä jokua re.

Hechos 28:23

Jayawe jae reta upɨta pëti ara yuweru uyapɨsaka reta waerä Pablo oporomboe wae re. Jare jokua ara uwäe yawe, yuweru ye jokua judío itenondewa reta jeta ïru wae reta ndiwe. Jayawe opaete uyembatɨ reta Pablo oï wae pe. Jare jokua ndimbowe wiwe kaaruete rewa Pablo oporomboe. Jae umɨmbeu chupe reta kërái yandeRu Tumpa ombou Jesús iko waerä judío reta imburuwicha wasurä jaeño mái pewa. Jae uikuaaka wi chupe reta Jesús rewa Moisés uikuatía wae rupi jare ïru kuimbae Tumpa iñee arakae umɨmbeu wae reta uikuatía wae rupi. Jukuärái oporomboe Pablo, echa’ä jae uipotaete jae reta wi wɨrowia waerä Jesús re ramo.

Hechos 28:31

Jare ukɨye mbae rewe jekuaeño oporomboe yandeYa Jesucristo rewa jare këraita oï mbaembae Jesús oï ma yawe opaete wae imburuwicha wasurä jaeño mái pewa. Jare jokua mokui año rupi, mbaetɨ kiawe umbɨawái Pablo wae.

Hechos 8:12

Erëi Felipe umɨmbeu chupe reta kërái Tumpa ikota opaete wae imburuwicha wasurä jaeño mái pewa. Jare umɨmbeu wi chupe reta mbae uyapo reta waerä ñonoï waerä Tumpa ndiwe jokua ara – jae ko wɨrowia reta waerä Jesucristo re. Jayawe jeta Samaria pewa reta wɨrowia Felipe jei wae re jare uyembɨsakambuka reta ɨ pe, kuimbae jare kuña reta wi.

Romanos 14:17

Echa’ä ñanoi Tumpa yanemburuwicha wasurä yawe, jayawe mbae’ä ko mbaembae yau wae. Erëi ikawi ko yaiko waerä jupi rupi yandepɨakatu rewe jare yerowia rewe ïru wae reta ndiwe. Jare Espíritu Santo imbaepuere rupi yandepuere yaiko jukuärái.

Colosenses 1:13

Echa’ä yandeRu Tumpa yanderepɨ ma Añawasu imbaepuere wi jare ñaneñono ma Taɨ imbaepuere pe. Tumpa uauete Taɨ, jare añawe uyapo ma yandewe ñaï waerä Taɨ ndiwe Taɨ oï ma yawe opaete wae imburuwicha wasurä jaeño mái pewa.

1 Tesalonicenses 2:12

Ore pumbɨpɨakatu, jare pumɨkɨrëɨ, jare pumɨatangätu piko waerä jupi rupi Tumpa jowai. Echa’ä Tumpa ko jae pemburuwicha wasu, jare pe reta piyekouta peï jae imbaepuere jupiete ye wae re jae oï ma yawe opaete wae imburuwicha wasurä jaeño mái pewa.

1 Juan 1:1

Cheïru mii reta, aikuatía aï pewe jae ko jee Ñee wae rewa. Jae ikoño mái iyɨpɨ wiwe. Ore reta nduyandu jare nduecha oreresa pe etei. Numae jese jare nduipɨsɨ wi orepo pe etei. Jae ko tekowe iYa etei.