Génesis 9:7 - Biblia

⁷ “Jayawe pe reta piñemoñata ko jeta kua ɨwɨ pe. Pemɨtɨnee ɨwɨ piko waerä opaete kerupi rupi,” jei Tumpa chupe reta.

Génesis 9:7 Iomraidhean Croise

Génesis 1:28

Jare Tumpa uyapo ikawi wae chupe reta iñee rupi jei rewe: “Piñemoña jeta jare pemɨtɨnee ɨwɨ, jare piporu opaete ɨwɨ. Jare penoi mbaepuere pira reta re, jare wɨra reta re, jare opaete mbaemɨmba reta re,” jei.

Génesis 8:17

“Enoe wi opaete nde ndiwe japɨpe ñonoï wae reta – jae ko wɨra reta, mbaemɨmba reta, jare opaete ɨwɨ rupi uyewichɨ wae reta. Toë too reta uñemoña ye waerä jetaete opaete ɨwɨ rupi,” jei Tumpa Noé pe.

Génesis 9:1

Jare Tumpa uyapo ikawi wae Noé pe jare taɨ reta pe iñee rupi kuärái: “Piñemoña jeta jare pemɨtɨnee ɨwɨ piko waerä opaete kerupi rupi,” jei.

Génesis 9:19

Kua mbapɨ Noé taɨ reta wi uñemoña pɨau ye opaete ɨwɨ rupi.

Génesis 9:8

Jare Tumpa jei wi Noé jare taɨ reta pe kuärái: