Génesis 9:6 - Biblia

⁶ “Ipotawe japicha uyuka wae, jae japicha reta tuyuka wi, echa’ä kuimbae ayapo che echa rami,” jei chupe reta.

Génesis 9:6 Iomraidhean Croise

Génesis 4:14

“¡Mase! Añawe nde chemombo ma neï kua ɨwɨ wi. Mbaetɨta ma chepuere ayu nderowai. Jare opaete kerupi ambɨe ɨwɨ pewa rami awatata. Jare ipotawe kía cherecha wae cheyukata ko,” jei.

Génesis 42:22

Jayawe Rubén jei chupe reta: “Ambeu tëi pewe awɨye piyapo marái yanderɨwɨ, erëi pe reta piyapɨsaka’ä cheré. Añawe yaiporarata ko aipo jokua ikawi mbae yayapo wae jeko pewa,” jei chupe reta Rubén.

Génesis 5:1

Tumpa jaeramo uyapo yawe kuimbae, Tumpa echa rami uyapo. Tumpa uyapo kuimbae jare kuña, jare uyapo ikawi wae chupe reta iñee rupi. Jare jokua ara uyapo reta yawe, Tumpa jei chupe reta: “Pe reta ko jae piko waerä kua ɨwɨ pe,” jei chupe reta. Kua jae Adán iñemoñaa pewa tee reta:

Éxodo 20:13

“Awɨye pepuruyuka,” jei.

San Mateo 26:52

Jayawe Jesús jei jokua jemimboe pe: “Iñono ye ndekɨsepuku jɨru pe. Echa’ä opaete kía ñeräro reño iko wae jare upuruyuka wae jukuäraiño ko umanota oï,” jei chupe.

Romanos 13:4

Tumpa jowai, mburuwicha reta uyeyokui ñonoï chupe ikawi waerä pewe. Erëi pe reta piyapo yawe mbae ikawi mbae wae, jupi ko pekɨye waerä chuwi reta, echa’ä jae reta uiporarakata oï pewe. Jokuaerä ko Tumpa umee chupe reta mbaepuere, uiporaraka waerä mbae ikawi mbae wae uyapo wae reta pe.

1 Corintios 11:7

Erëi kuimbae reta awɨye tuñeäkasoi yembatɨ pe, echa’ä Tumpa uyapo kuimbae jae echa rami. Jare jae nunga wi kuimbae rupi yandepuere yaecha mbae ikawi wae Tumpa pewa, echa’ä Tumpa ko uyapo kuimbae. Erëi kuña reta ambɨe ye ko, echa’ä kuña Tumpa uyapo kuimbae wi. Jáeramo kuña rupi yandepuere yaecha mbae ikawi wae kuimbae pewa.

Santiago 3:9

Yandeyuru pe yambutuicha yandeRu Tumpa jee. Pɨpe wi ko yayepɨpeyu yanderapicha re, yepe tëi Tumpa uyapo jae echa rami.

Apocalipsis 13:10

Tumpa uipota yawe ipotawe kía uyepɨsɨka waerä jowaicho reta pe, jukuärái ñotái oï. Jare Tumpa uipota yawe ipotawe kía uyeyukaka waerä kɨsepuku pe, jukuärái ñotái oï wi. Kua nunga mbaembae uyeyapo ñotái oï. Jáeramo Tumpa re wɨrowia wae reta tumɨawäta ipɨawasu rewe jare jekuaeño wɨrowia kawi jese rewe.