Génesis 9:5 - Biblia

⁵ “Awɨye piyeyuka,” jei. “Mbaemɨmba uyuka yawe kuimbae, che tae pewe jokua mbaemɨmba umanota ko. Jare ipotawe kuimbae upuruyuka wae, che tae pewe umanota ko,” jei.

Génesis 9:5 Iomraidhean Croise

Génesis 42:22

Jayawe Rubén jei chupe reta: “Ambeu tëi pewe awɨye piyapo marái yanderɨwɨ, erëi pe reta piyapɨsaka’ä cheré. Añawe yaiporarata ko aipo jokua ikawi mbae yayapo wae jeko pewa,” jei chupe reta Rubén.

Éxodo 20:13

“Awɨye pepuruyuka,” jei.

San Mateo 23:35

“Jáeramo peré oata oï teko opaete jupi wae reta juwɨ uyepɨyere wae re pe reta piyuka wae rami. Jae ko opaete jupi wae reta Abel wiwe Zacarías rewa – jae ko Berequías taɨ. Jokua Zacarías, peramɨkue reta uyuka tupao wasu joka mbɨte pe etei,” jei chupe reta.

Hechos 17:26

“Jare pëti kuimbae wiño Tumpa uyapo opaete ambɨe ye ye ɨwɨ pewa reta kiape kiape ñonoï wae rupi. Jare ndei uyekuaa reta mbowe, Tumpa jei ma kiape etei ra yurekota wae jare kërái yawe rewa ra yurekota reta joko pe,” jei.