Génesis 9:3 - Biblia

³ “Tenonde yawe, opaete temitɨ retaño ikose perembiurä. Erëi añawe, temitɨ reta ndiwe, opaete mbaemɨmba reta isoo wi amee pewe perembiurä,” jei.

Génesis 9:3 Iomraidhean Croise

Génesis 9:2

“Amee ma kɨye opaete mbaemɨmba reta ɨwɨ rupiwa reta pe ukɨye waerä pewi. Penoi ma mbaepuere opaete mbaemɨmba reta re, wɨra reta re, pira ɨ rupiwa reta re, jare opaete ɨwɨ rupi uyewichɨ wae reta re,” jei chupe reta.

Romanos 14:14

Che pëtiño aï yandeYa Jesucristo re ramo, aikuaa kawi aï mbaetɨ ko pëti awe mbae yau wae ipuere yandapo ikɨa Tumpa kotɨ. Erëi kía wɨrowia yawe ime amokue tembiu yandapo ikɨa Tumpa kotɨ wae, jayawe jae awɨye tou.

Romanos 14:17

Echa’ä ñanoi Tumpa yanemburuwicha wasurä yawe, jayawe mbae’ä ko mbaembae yau wae. Erëi ikawi ko yaiko waerä jupi rupi yandepɨakatu rewe jare yerowia rewe ïru wae reta ndiwe. Jare Espíritu Santo imbaepuere rupi yandepuere yaiko jukuärái.

Romanos 14:20

Awɨye ñarükumewa Tumpa iparawɨkɨ yandepɨte rupi oï wae mbae yau wae rupi. Añetete ko, Tumpa jowai yandepuere yau opaete mbaembae. Erëi ïru wae aramoi jou yawe mbae yandereko pewa jae wɨrowia ikawi’ä ko jou waerä wae, jokua re ko ipuere jae opia Tumpa jape wi. Jáeramo jokua jeko pewa ikawi’ä ko yau waerä jokua nunga tembiu jae jowake.

Romanos 14:3

Jayawe jokua ipotawe mbae jou wae, awɨye turɨ̈ro jokua soo jou mbae wae. Jare jokua soo jou mbae wae, awɨye tiñera jokua ipotawe mbaembae jou wae re. Echa’ä jae wi ko Tumpa pewarä jare Tumpa pe uyeyokui oï wi.

1 Corintios 10:23

Amokue pe reta pere peï kuärái: “Chepuereño ayapo ipotawe mbae teko kachi’ä Tumpa pewarä wae.” Jukuärái pere peï. Ipuere tëi jukuärái, erëi mbaetɨ opaetei mbae yayapo wae ikawi yandewe. Jare mbaetɨ opaete mbae yayapo wae rupi omborɨta ïru wae reta ipɨräta waerä Tumpa kotɨ.

1 Corintios 10:31

Awɨye mii jukuärái ere. Echa’ä pe reta pechakata ko pereko ikawi wae opaete wae jowake, jae reta umbutuicha waerä Tumpa jee pereko rupi. Jukuäraita ko piyapo mbaembae peu wae rupi jare ipotawe mbae piyapo wae rupi wi.

Colosenses 2:16

Jáeramo opaete kua mbaembae rupi che jae aï pewe kuärái: Awɨye piyembɨpɨa’ä kía pembɨjeko yawe ipotawe mbaembae peu wae re, jare ipotawe ara yemɨmandúa Tumpa pewa jare yasɨpɨau pewa piyapo’ä wae re, jare ara mbutuu piyapo’ä jae reta rami wae re.