Génesis 9:27 - Biblia

²⁷ “Jare Tumpa tumbɨjetaete Jafet iñemoñaa reta. Jae reta tuyekou kawi Sem iñemoñaa reta ndiwe. Jare Canaán ikota Jafet pe uyeyokui waerä,” jei Noé.

Génesis 9:27 Iomraidhean Croise

Génesis 10:2

Jafet taɨ reta ko jae Gomer, Magog, Madai, Javán, Tubal, Mesec, jare Tiras jee wae reta.

Génesis 27:29

Tuiko jeta ambɨe ɨwɨ pewa reta uyeyokui ndewe waerä, jare tuñeñono reta ɨwɨ re uipɨu rewe nderowai. Tumpa tumee wi ndewe nenoi waerä mbaepuere nerëtara reta re, jare ndesɨ imembɨ reta wi tuñeñono ɨwɨ re uipɨu rewe nderowai. Jare ipotawe kía uyepɨpeyu nderé wae, toa jese yepɨpeyu. Jare ipotawe kía jei ndewe, ‘Tumpa tuyapo ikawi wae ndewe,’ jei wae, Tumpa tuyapo chupe wi ikawi wae.” Jukuärái jei Isaac Jacob pe.

Génesis 9:28

Joko wi ɨporu wasu wiwe, Noé iko ïru 350 año ye.

Hechos 17:14

Jayawe jupiwoiño Cristo re wɨrowia wae reta omondo Pablo tëta wasu wi mar jembeɨ kotɨ uepɨ waerä chuwi reta. Jare amokue hermano reta yuraa wi jae ndiwe. Erëi Silas jare Timoteo upɨtaño reta tëta wasu Berea pe.

Romanos 11:12

Añawe judío reta opia ma Tumpa wi, erëitu pëti ara jae reta uyerowa yeta ñonoï Tumpa kotɨ. Jare jokua ara ikawieteta oï opaete pewarä. Añawe judío mbae wae reta uyekou ñonoï judío reta opia Tumpa wi ramo. Erëi ¿mbowɨ ye ye ra ko jae reta uyekouta ñonoï kuri judío reta uyerowa ye yawe Tumpa kotɨ?

Romanos 15:12

Jare uyekuatía oï wi kërái Isaías arakaete jei kuärái: “Outa oï pëti wae Isaí iñemoñaa pewa. Jae ikota judío mbae wae reta imburuwicha wasurä. Jare jese ko judío mbae wae reta wɨrowia katuta ñonoï.” Jukuärái uyekuatía oï.

Efesios 2:19

Jáeramo pe reta judío mbae piko wae ambɨe’ä ma ko Tumpa pewarä, jare piyembɨyao tee’ä ma ko Tumpa imaerä iko wae reta wi. Añawe pe reta wi ko Tumpa jëtararä peï waerä ara pe opaete ïru uñeñono tee Tumpa pewarä wae reta ndiwe.

Efesios 3:13

¡Ikawiete ye ko kua mbaembae Tumpa uyapo ma yandewe wae! Jáeramo yepe tëi che peresorɨru pe aiporara aï, erëi awɨye kua pikuaa wae re piyembɨakɨ. Cheyukenda reta che amɨmbeu pewe Cristo rewa ramo. Erëi ayerowia aï Tumpa taɨ retarä ma peï ramo.

Efesios 3:6

Jare Tumpa ipɨayemɨngeta ko kua: Judío jare judío mbae Cristo re wɨrowia wae reta jae ma ko Tumpa taɨ jare tayɨ reta. Jae reta ñonoï ma ko pëti ramiño Cristo re jare oyowakeño onoita imaerä opaete mbaembae ikawiete wae Tumpa umeeta oï taɨ reta pe wae.