Génesis 9:1 - Biblia

¹ Jare Tumpa uyapo ikawi wae Noé pe jare taɨ reta pe iñee rupi kuärái: “Piñemoña jeta jare pemɨtɨnee ɨwɨ piko waerä opaete kerupi rupi,” jei.

Génesis 9:1 Iomraidhean Croise

Génesis 1:22

Jare Tumpa uyapo ikawi wae chupe reta iñee rupi jei rewe kuärái: “Piñemoña jare pemɨtɨnee mar reta, ɨpa reta, jare ɨ wasu reta rupi. Jare wɨra reta piñemoña jeta ɨwɨ iáramo rupi.” Jukuärái jei.

Génesis 1:28

Jare Tumpa uyapo ikawi wae chupe reta iñee rupi jei rewe: “Piñemoña jeta jare pemɨtɨnee ɨwɨ, jare piporu opaete ɨwɨ. Jare penoi mbaepuere pira reta re, jare wɨra reta re, jare opaete mbaemɨmba reta re,” jei.

Génesis 2:3

Jáeramo Tumpa uyemɨngeta kawi chiu ara rewa jare oñono tee jae imaerä, echa’ä opa ma uyapo opaete jembiapo reta ramo.

Génesis 8:17

“Enoe wi opaete nde ndiwe japɨpe ñonoï wae reta – jae ko wɨra reta, mbaemɨmba reta, jare opaete ɨwɨ rupi uyewichɨ wae reta. Toë too reta uñemoña ye waerä jetaete opaete ɨwɨ rupi,” jei Tumpa Noé pe.

Génesis 9:19

Kua mbapɨ Noé taɨ reta wi uñemoña pɨau ye opaete ɨwɨ rupi.

Génesis 9:2

“Amee ma kɨye opaete mbaemɨmba reta ɨwɨ rupiwa reta pe ukɨye waerä pewi. Penoi ma mbaepuere opaete mbaemɨmba reta re, wɨra reta re, pira ɨ rupiwa reta re, jare opaete ɨwɨ rupi uyewichɨ wae reta re,” jei chupe reta.

Génesis 9:7

“Jayawe pe reta piñemoñata ko jeta kua ɨwɨ pe. Pemɨtɨnee ɨwɨ piko waerä opaete kerupi rupi,” jei Tumpa chupe reta.