Génesis 8:21 - Biblia

²¹ Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

Génesis 8:21 Iomraidhean Croise

Génesis 3:17

Jare Tumpa jei Adán pe: “Nembireko jei wae ndiyapo ramo, jare ndeu jokua ɨwɨra ía che jae ndewe awɨyeta tëi ndeu wae ramo, añawe ayepɨpeyuta ɨwɨ re ndereko pewa,” jei. “Añawe wiwe jeta yembɨawái rewe ndeparawɨkɨta ime waerä nderembiurä nderekowe opa rewa.

Génesis 4:12

Añawe wiwe, yepe tëi ndeparawɨkɨta täta ndeko pe, erëi yawɨyeta’ä ma ndewe mbae awe. Jare ndewatata opaete kerupi rupi jare ndikota ambɨe ɨwɨ pewa rami opaete ɨwɨ rupi ndeota wae rupi,” jei chupe.

Génesis 5:29

Jare umbɨjee Noé, echa’ä jei: “Tumpa uyepɨpeyu kua ɨwɨ re; jáeramo yaparawɨkɨta ko täta ime waerä yanderembiurä. Erëi kua ko jae yanembuputuuta yandeparawɨkɨ täta wi,” jei.

Génesis 6:13

Jayawe Tumpa jei Noé pe: “¡Mase! Ambaita aï opaete ɨwɨ pewa reta,” jei. “Echa’ä ɨwɨ tɨnee oï ikawi mbae wae peño jae reta jeko pewa. Jáeramo ambaita aï opaetei jae reta jare opaete mbaembae ɨwɨ pe ñonoï wae wi,” jei chupe.

Génesis 6:17

Tumpa jei wi chupe: “¡Mase! Che ambouta aï ɨporu wasu opaete ɨwɨ re ambái waerä opaetei ɨwɨ pewa reta tekowe onoi wae,” jei. “Jukuärái opaete wae umanota,” jei.

Génesis 6:5

Jare Tumpa uecha opaete wae jeko kachi jeiete ma ɨwɨ pe. Uecha kërái opaete wae ipɨayemɨngeta jekuaeño mbaembae kachi wae reño.

Génesis 6:7

Jare Tumpa jei iyupe: “Ambaita ɨwɨ wi opaete ɨwɨ pewa reta ayapo wae. Ambaita opaete kuimbae jare kuña reta, mbaemɨmba reta, wɨra reta, jare ɨwɨ rupi uyewichɨ wae reta. Echa’ä chepɨatɨtɨ aï jae reta ayapo ramo,” jei iyupe.

Isaías 53:6

Yande ko jae owecha opa uñemɨái wae reta rami, echa’ä yaipota yaiko yande yae wae rupiño. Erëitu Tumpa uitɨ kua kuimbae re teko yanderé iko wae.

San Mateo 15:19

“Echa’ä pepɨa wi ko oë opa mbae ikawi mbae wae, echa’ä pepɨa pe piyemɨngeta mbaembae kachi wae re jare joko wi pepuruyuka, piyapo awasa, pembɨkere, pemonda, papu ïru wae reta re, jare ikawi mbae wae pere perapicha kotɨ,” jei.

San Juan 3:6

Imeta ko onoi rani tekowe ipɨau wae, jare jokua nunga tekowe jaeño ou Espíritu Santo rupi. Yandesɨ retaño mbaetɨ umee yandewe jokua nunga tekowe. Jae reta jaeño umee yandewe tekowe ɨwɨ pewaño,” jei chupe.

Romanos 1:21

Jayawe yepe tëi uikuaa reta Tumpa rewa jae mbaembae uyapo wae rupi, erëi jesewe umbutuicha’ä reta jae jee. Umee’äwe reta wi yasurupái chupe opaete jae mbaembae uyapo wae re. Jaeño opa uyembojopa reta ipɨayemɨngeta rupi Tumpa wi. Jare jae reta ipɨayemɨngeta opa uñemɨpɨ̈tumimbi ramo, ipuere’ä etei uikuaa kawi reta mbae ikawi wae rewa.

Romanos 3:23

Echa’ä opaete wae yayawɨ ma ko Tumpa kotɨ, jare ndarau etei yandepuere yaepitɨ jae jeko jupiete ye wae.

2 Corintios 2:15

Jare ore numɨmbeu yawe Cristo rewa ïru wae reta pe, numbɨyerowia noï Tumpa kërái mbae utimbo kawi wae yanembɨyerowia wae rami. Añetete kua ñee numɨmbeu noï wae, jae ko mbae utimbo oï wae rami opaete wae reta pewarä. Erëi mbaetɨ oyowake opaete pewarä. Echa’ä Tatawasurenda kotɨ oo ñonoï wae reta pewarä, oriñee ko jae mbae ine oï wae rami, echa’ä jae reta uipota’ä etei uikuaa Cristo rewa. Erëi jokua tekowe opa mbae wae onoita wae reta pewarä, oriñee ko jae mbae jëe ngatu utimbo wae rami. Kua mbarawɨkɨ tuicha ko jare yawái. Orepuere rape’ä nduyapo tëi.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Filipenses 4:18

Jayawe pe reta pikuaa waerä, uwäe ma chewe opaete mbaembae pe reta peruruka chewe wae. Epafrodito umee ma chewe opaete jare añawe ayekou aï. Uata’ä etei oï chewe mbae awe. Kua yemborɨ pe reta peruruka chewe wae, jae ko mbae pemee Tumpa pe wae rami. Jokua nunga Tumpa umbɨyerowia.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.