Génesis 8:20 - Biblia

²⁰ Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Génesis 8:20 Iomraidhean Croise

Génesis 13:18

Jayawe Abram jare jëtara reta ndiwe yuraa jare wɨraa jëta wakapi pewa reta koiño tëta wasu raɨ Hebrón jee wae wi. Jare yureko ɨwɨrayapetururenda pe. Pëti kuimbae Mamre jee wae, jae ko jokua ɨwɨrarenda iya. Jare joko pe Abram uyapo ambɨe mbaerenda ita pewa Tumpa jee umbutuicha waerä.

Génesis 13:4

Jare jokua mbaerenda Abram uyapo tenonde wae, joko pe Abram umbutuicha ye Tumpa jee.

Génesis 22:2

Jare Tumpa jei chupe: “Eraa Isaac, nderaɨ jae waeño ndeauete wae, jare ekua jae ndiwe ɨwɨ Moriah jee wae kotɨ,” jei. “Jare ndeo newäe yawe pëti ɨwɨtu wasu aikuaakata aï ndewe wae pe, joko pe iyuka nderaɨ. Jare eapɨ jetekue pëti mbaerenda ita pewa re nemee waerä chewe nderaɨ,” jei Tumpa Abraham pe.

Génesis 22:9

Jare yuraa uwäe reta yawe jokua ɨwɨtu wasu Tumpa uikuaaka chupe wae pe, joko pe Abraham uyapo pëti mbaerenda ita pewa jare oñono iáramo yepea. Jare Abraham uipokua taɨ Isaac jare oñono mbaerenda iáramo.

Génesis 4:4

Jare Abel uiparawo amokue wae iowecha reta imembɨrɨpɨ ikawiete wae, jare uyuka, jare ueru umee waerä Tumpa pe mɨmba isoo ikawiete wae jare ikɨra wae. Jare Tumpa uyerowia umae Abel re jare jokua jae ueru wae re.

Génesis 7:2

“Opaete mbaemɨmba reta ambɨe ye ye che jae ikɨa mbae wae reta ipɨte wi eraa eruike nde ndiwe chiu mɨmba kuimbae reta jare chiu mɨmba kuña reta. Jare opaete mbaemɨmba reta ambɨe ye ye che jae ikɨa wae reta ipɨte wi eraa eruike mokui mokui rupi, pëti mɨmba kuimbae jare pëti mɨmba kuña,” jei Tumpa Noé pe.

Génesis 7:3

“Jae ramiño wi opaete wɨra reta ambɨe ye ye wae ipɨte wi iparawo chiu wɨra kuimbae reta jare chiu wɨra kuña reta, jukuärái uñemoña ye waerä pëti pëti ambɨe ye ye wae reta ɨwɨ pe.

Génesis 8:19

Jare opaete mbaemɨmba ambɨe ye ye wae oë reta chalana wasu wi. Oë mbaemɨmba uwata ɨwɨ rupi wae reta, jare wɨra reta, jare opaete ɨwɨ rupi uyewichɨ wae reta wi. Pëti pëti jae jee wae rupi oë chalana wasu wi.

Éxodo 10:25

Jayawe Moisés jei chupe: “Ndarau orepuere ndueya reta,” jei. “Nemaeñota ko oreré nduraa waerä orerɨmba reta wi nduyuka numee waerä oreTumpa ikoño mái wae pe.

Romanos 12:1

Jayawe hermano mii reta, añawe yaikuaa ko Tumpa yandepararekoete wae. Jáeramo, ¿kërái ra ikawita yayeyokui waerä chupe añawe? Arakae rupi Israel iñemoñaa reta wɨraa mbaemɨmba uyuka umee waerä Tumpa pe. Jare jokua mbaemɨmba Tumpa pewaräño ko. Jare jukuärái ramiete wi che pumɨñera piñemee waerä Tumpa pe opaete perekowe rewe jae imaeräño piko waerä. Piñeñono tee Tumpa pewarä pembɨyerowia waerä. Echa’ä jukuärái ko jupi pembutuicha waerä Tumpa jee.

Hebreos 13:10

Jáeramo jokua teko reta rupi uyeyokui tëi reta Tumpa pe wae ndarau etei uyekou reta añetete pewa yande rami. Echa’ä Jesucristo uyapo kurusu re waeño ko ikawiete yandewe.

1 Pedro 2:5

Tumpa peapo oï pëti tupao wasu rami Espíritu Santo iko pɨpe waerä. Añetete pe reta ko jae jokua tupao wasu pewa ita tekowe ime onoi wae reta rami. Jukuärái Tumpa peñono tee oï piko waerä sacerdote retarä. Echa’ä jae uipota pe reta piyeyokui waerä chupe jare piyapo waerä jokua mbaembae jae umbɨyerowia wae. Jare jukuärái pepuere piyapo Jesucristo pemborɨ oï wae rupi.

1 Pedro 2:9

Erëi pe reta ko jae Tumpa uiparawo wae reta. Pe reta ko jae sacerdote reta piyeyokui peï yaneMburuwicha wasu ara pewa pe. Jare Tumpa peñono tee ma pe reta piko waerä jae imaerä, pemɨmbeu waerä kërái jokua jae uyapo wae ikawiete ye ko. Echa’ä tenonde yawe pikuaa’ä piko añetete wae Tumpa rewa jare jukuärái pikose pɨ̈tumimbi pe rami. Erëi añawe jae uyekuaaka ma pewe, jare jukuärái pereni ma ikotɨ jokua pɨ̈tumimbi wi piko waerä tembipe ikawiete wae pe.