Génesis 7:23 - Biblia

²³ Jukuärái Tumpa opa umbái opaete ɨwɨ pewa reta – jae ko kuimbae jare kuña reta, mbaemɨmba reta, wɨra reta, jare ɨwɨ rupi uyewichɨ wae reta. Opaetei Tumpa opa umbái. Jaeño upɨta jekowe rewe Noé jare opaete jae ndiwe chalana wasu pe ñonoï wae reta.

Génesis 7:23 Iomraidhean Croise

Génesis 6:17

Tumpa jei wi chupe: “¡Mase! Che ambouta aï ɨporu wasu opaete ɨwɨ re ambái waerä opaetei ɨwɨ pewa reta tekowe onoi wae,” jei. “Jukuärái opaete wae umanota,” jei.

Génesis 8:18

Jayawe Noé, jare jembireko, jare taɨ reta jembireko rewe rewe oë reta chalana wasu wi.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

1 Pedro 3:20

Arakaete rupi, Noé chalana wasu uyapo iko rambuewe, kua reta uyapo’ä Tumpa jei wae rupi yepe tëi Tumpa ipɨawasuete chupe reta. Jare ou yawe jokua ɨporu wasu, mbowɨ miño kuimbae jare kuña reta oyepe reta chalana wasu pe. Añetete Tumpa jaeño jokua juri wae reta uepɨ ɨporu wasu wi.

2 Pedro 2:5

Jare yanemandúa kawi ñaï wi, arakaete Tumpa uiporaraka opaete ɨwɨ pewa reta pe ɨporu wasu pe. Jaeño uepɨ chuwi Noé jare ïru chiu wae. Noé umɨmbeu tëi ïru wae reta pe kërái yureko reta waerä jupi Tumpa kotɨ. Erëitu jae reta uipɨu’ä Tumpa wi; jáeramo Tumpa opa umbái reta.

2 Pedro 2:9

Jayawe opaete kua mbaembae rupi yaikuaa Tumpa ikatuete yanderepɨ waerä mbaesusere reta wi, yande jae yambɨyerowia wae reta. Jare jae ikatuete wi oñono tee waerä opaete mbae jupi mbae uyapo wae reta ara taɨkuewa uwäe rewa. Jokua ara uwäe yawe, jae reta uyemboɨta ñonoï Tumpa jowai Tumpa uiporaraka waerä chupe reta jaeño mái pewa.

2 Pedro 3:6

Jare jae nunga wi jokua oporoyoyai wae reta ipotái iñakañɨraanga reta Tumpa wi kërái iñee rupiño opa umbái tekowe ɨwɨ pe wɨreko wae reta ɨporu wasu pɨpe.