Génesis 6:9 - Biblia

⁹ Kua ko Noé rewa: Noé iko ambɨe ye ïru wae reta wi. Jae ko pëti kuimbae jupi wae jare jeko mbae wae Tumpa jowai. Jae uñemɨïru kawi Tumpa ndiwe.

Génesis 6:9 Iomraidhean Croise

Génesis 10:1

Uasa ma yawe ɨporu wasu, Noé taɨ reta Sem, Cam, jare Jafet ime wɨreko taɨ reta. Kua ko jae iñemoñaa reta jee:

Génesis 17:1

Abram ime wɨreko noventa y nueve año yawe, Tumpa uyekuaa ye chupe jare jei chupe: “Che ko jae Tumpa chembaepuere tuichaete wae,” jei chupe. “Iñemɨïru kawi che ndiwe jare iyapo jupi waeño.

Génesis 2:4

Jukuärái uyembɨpɨ ara jare ɨwɨ. Tumpa ikoño mái wae uyapo yawe ɨwɨ jare ara, ndeiño jeñɨ iko ñana reta jare kapii reta ɨwɨ wi. Echa’ä Tumpa ndei omongɨ ɨwɨ re jare ndeiño wi ime kuimbae umaetɨ waerä.

Génesis 5:1

Tumpa jaeramo uyapo yawe kuimbae, Tumpa echa rami uyapo. Tumpa uyapo kuimbae jare kuña, jare uyapo ikawi wae chupe reta iñee rupi. Jare jokua ara uyapo reta yawe, Tumpa jei chupe reta: “Pe reta ko jae piko waerä kua ɨwɨ pe,” jei chupe reta. Kua jae Adán iñemoñaa pewa tee reta:

Génesis 5:22

Joko wi Matusalén oa wiwe, Enoc imeño uñemɨïru Tumpa ndiwe ïru 300 año ye, jare oa wi Enoc pe ïru taɨ reta jare tayɨ reta.

Génesis 5:24

Enoc uñemɨïru kawiñoi Tumpa ndiwe. Erëi pëti ara aramoiño uyekuaa’ä ma, echa’ä Tumpa wɨraa ɨwɨ wi jekowe rewe ramo.

Génesis 6:10

Noé ime wɨreko mbapɨ taɨ. Jae reta ko jee Sem, Cam, jare Jafet.

Génesis 7:1

Joko wi Tumpa jei Noé pe: “Eyu ike nde jare opaete nerëtara reta chalana wasu japɨpe,” jei. “Aecha jaeño nde ko jupi cherowai opaete ïru wae reta ipɨte wi,” jei.

San Lucas 1:6

Zacarías jare jembireko uyapo jupi wae Tumpa jowai, echa’ä yureko reta jupi opaete Tumpa jei wae rupi.

San Lucas 2:25

Jare iko Jerusalén pe pëti kuimbae Simeón jee wae. Jae jupi jare uyeyokui kawi Tumpa pe. Jae uäro iko ikɨrëɨ rewe Tumpa umbɨpɨakatu waerä Israel iñemoñaa reta. Jare Espíritu Santo iko jese.

San Lucas 23:50

Jare joko pe oï wi pëti kuimbae José jee wae. Jae ko tëta wasu Arimatea pewa. Jokua oï ɨwɨ Judea pe. José ko jae pëti mburuwicha ipɨakawi wae jare jupi wae. Echa’ä ikawi’ä chupe ïru mburuwicha reta uyukaka Jesús wae. Jae uäro iko ikɨrëɨ rewe Tumpa oï waerä opaete wae imburuwicha wasurä jaeño mái pewa.

Hechos 10:22

Jayawe jae reta jei Pedro pe: “Pëti kuimbae romano sɨndaro reta itenondewa Cornelio jee wae ko orembou,” jei. “Jae ko kuimbae uipɨu Tumpa wi wae jare opaete judío reta umae kawi jese wae. Pëti araɨwa Tumpa ombou chupe wae jei chupe ombou ndereraaka waerä jëta pe, Cornelio uyapɨsaka waerä mbae nemɨmbeuta chupe wae re,” jei reta Pedro pe.

Romanos 1:17

Kua ñee ikawi ko, echa’ä uikuaaka yandewe kërái rupi Tumpa umae yanderé yandereko mbae wae rami – jae ko Cristo re yarowia wae rupi. Jare jukuäraiño mái iyɨpɨ wiwe jare jukuäraita oo oï ara taɨkuewa rewa – jaeño Cristo re yarowia wae rupi. Jukuärái yaikuaa, echa’ä Tumpa iñeerɨru pe uyekuatía oï kuärái: “Ipotawe kía wɨrowia Tumpa re wae, Tumpa umae jese jeko mbae wae rami, jare jae uyekouta oï tekowe ipɨau wae re.” Jukuärái uyekuatía oï.

Gálatas 3:11

Jayawe yaikuaa kawi ñaï mbaetɨ ko kiawe ipuere uyembujupi Tumpa kotɨ Moisés arakae uikuatía wae rupi. Echa’ä ndarau kiawe ipuere uyapo jupi rupi opaetei Tumpa jei wae. Jae nunga wi Tumpa iñeerɨru pe jei yandewe kuärái: “Ipotawe kía wɨrowia Tumpa re wae, Tumpa umae jese jeko mbae wae rami, jare jae uyekouta oï tekowe ipɨau wae re.” Jukuärái uyekuatía oï.

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

1 Pedro 2:5

Tumpa peapo oï pëti tupao wasu rami Espíritu Santo iko pɨpe waerä. Añetete pe reta ko jae jokua tupao wasu pewa ita tekowe ime onoi wae reta rami. Jukuärái Tumpa peñono tee oï piko waerä sacerdote retarä. Echa’ä jae uipota pe reta piyeyokui waerä chupe jare piyapo waerä jokua mbaembae jae umbɨyerowia wae. Jare jukuärái pepuere piyapo Jesucristo pemborɨ oï wae rupi.

2 Pedro 2:5

Jare yanemandúa kawi ñaï wi, arakaete Tumpa uiporaraka opaete ɨwɨ pewa reta pe ɨporu wasu pe. Jaeño uepɨ chuwi Noé jare ïru chiu wae. Noé umɨmbeu tëi ïru wae reta pe kërái yureko reta waerä jupi Tumpa kotɨ. Erëitu jae reta uipɨu’ä Tumpa wi; jáeramo Tumpa opa umbái reta.