Génesis 6:8 - Biblia

⁸ Erëi Tumpa uyerowia umae Noé re.

Génesis 6:8 Iomraidhean Croise

Génesis 19:19

Ndepɨakawi ma orewe jare orerepɨ ma mano wi. Erëi jokua ɨwɨtu wasu mbɨrɨete oï. Numanota ko ndei joko pe ndoo nuwäe mbowe,” jei.

San Mateo 24:37

“Pikuaa kawi peï kërái yureko ɨwɨ pewa reta arakaete rupi Noé iko rambuewe. Jukuäraiete wi yurekota che kuimbaerä ayeyapo wae ayu ye yawe,” jei.

San Lucas 1:30

Jayawe araɨwa jei chupe: “Awɨye ekɨye, María. Echa’ä Tumpa uyerowia umae nderé,” jei chupe.

San Lucas 17:26

“Pikuaa kawi peï kërái yureko ɨwɨ pewa reta arakae rupi Noé iko rambuewe. Jukuäraiete wi yurekota che kuimbaerä ayeyapo wae ayu ye yawe,” jei.

Hechos 7:46

“David iko kuimbae Tumpa umae kawi jese wae. Jare jae uipota tëi uyapoka Tumpa pewarä pëti tupao wasu ita pewa. Jáeramo jokua re jae uyerure tëi Tumpa pe – jae ko yanderamɨkue Jacob iTumpa pe.

Romanos 11:6

Mbaetɨ ko oreparawo mbae ikawi wae nduyapo wae rupi. Echa’ä jae oreparawo yawe mbae nduyapo wae rupi, jayawe mbaetɨta tëi ko uyekuaa ipɨakawi oreparawo wae rupi.

Romanos 4:4

Yaikuaa ñaï yaparawɨkɨ yawe yamɨngana waerä, jokua yamɨnganakue wae mbaetɨ ko uñemeeño oï yandewe wae – jae ko jokua mbarawɨkɨ iya imeta ko umbɨepɨ yandewe wae.

1 Corintios 15:10

Erëi jesewe Tumpa ipɨakawi rupi Cristo omondo wae ko che. Jare jokua ipɨakawi uechaka chewe wae ukañɨ'ä etei ko oï. Echa’ä che aparawɨkɨ tätaete ïruwe kuimbae reta Cristo etei omondo wae wi. Erëi añetete cheiño’ä ko aparawɨkɨ. Tumpa ipɨakawi rupi chemborɨ oï.

Gálatas 1:15

Erëitu Tumpa ipɨakawiete chewe. Echa’ä ndei awe chesɨ wi aa mbowe, Tumpa chereni ma jare cheñono tee ma aiko waerä jae imaerä. Jare ikawi iko chupe

2 Timoteo 1:18

Nde ndikuaa kawi neï kërái karamboe tëta wasu Éfeso pe yaiko rambuewe, jae jetaete yanemborɨ. Jayawe ara taɨkuewa uwäe ma yawe, yandeYa Jesucristo tuyapo ikawi wae chupe kërái Onesíforo uyapo chewe wae rami.

Tito 2:11

Jayawe emboe opaete wae reta kuärái: Tumpa ipɨakawiete ko, echa’ä jae umee tëi ma opaete ɨwɨ pewa reta pe kërái ipuere waerä onoi tekowe opa mbae wae jae ndiwe.

Tito 3:7

Jare ipɨakawiete ramo, Tumpa umae yanderé yandereko mbae wae rami. Jukuärái Tumpa uyapo yandewe yandepuere yaiko waerä taɨ jare tayɨ retarä. Jáeramo ñaäro ñaï yayerowia rewe yaiko waerä jae ndiwe jaeño mái pewa.

Hebreos 4:16

Jare jae tuicha ipɨakawi yandewe. Jáeramo yaya mii Tumpa re yakɨye mbae rewe Tumpa yandeparareko waerä jare yanemborɨ waerä jae ipɨakawi rupi.

1 Pedro 3:20

Arakaete rupi, Noé chalana wasu uyapo iko rambuewe, kua reta uyapo’ä Tumpa jei wae rupi yepe tëi Tumpa ipɨawasuete chupe reta. Jare ou yawe jokua ɨporu wasu, mbowɨ miño kuimbae jare kuña reta oyepe reta chalana wasu pe. Añetete Tumpa jaeño jokua juri wae reta uepɨ ɨporu wasu wi.

2 Pedro 2:5

Jare yanemandúa kawi ñaï wi, arakaete Tumpa uiporaraka opaete ɨwɨ pewa reta pe ɨporu wasu pe. Jaeño uepɨ chuwi Noé jare ïru chiu wae. Noé umɨmbeu tëi ïru wae reta pe kërái yureko reta waerä jupi Tumpa kotɨ. Erëitu jae reta uipɨu’ä Tumpa wi; jáeramo Tumpa opa umbái reta.