Génesis 6:13 - Biblia

¹³ Jayawe Tumpa jei Noé pe: “¡Mase! Ambaita aï opaete ɨwɨ pewa reta,” jei. “Echa’ä ɨwɨ tɨnee oï ikawi mbae wae peño jae reta jeko pewa. Jáeramo ambaita aï opaetei jae reta jare opaete mbaembae ɨwɨ pe ñonoï wae wi,” jei chupe.

Génesis 6:13 Iomraidhean Croise

Génesis 6:14

“Jáeramo iyapo ndeyupe pëti chalana wasu ɨwɨra gofer jee wae pewa. Chalana wasu japɨpe rupi iyapo o raɨ reta. Ipichɨ kawi chalana wasu opaete japɨpe rupi jare ikupe rupi ɨwɨra iyaɨsɨ ipomo wae pɨpe.

Génesis 6:4

Jare jokua año reta rupi, jare joko wiwe wi, ime yepe amokue kuimbae reta tuichaete jare ipɨrätaete wae reta. Echa’ä Tumpa taɨ reta wɨreko kuñatái reta jare oa isambiaɨ reta. Jare jae reta uyeyapo kuimbae arakae wae reta imbaepuerete jare jeräkua opaete wae pe.

Génesis 7:21

Jayawe opa iputupa umano opaetei jekowe wae reta ɨwɨ rupiwa. Opaete wɨra reta, jare opaete mbaemɨmba tëta rupiwa reta jare ñana rupiwa reta, jare opaete ɨwɨ rupi uyewichɨ wae reta, jare opaete kuimbae reta jare kuña reta jare sambiaɨ reta wi opa iputupa umano.

Génesis 7:23

Jukuärái Tumpa opa umbái opaete ɨwɨ pewa reta – jae ko kuimbae jare kuña reta, mbaemɨmba reta, wɨra reta, jare ɨwɨ rupi uyewichɨ wae reta. Opaetei Tumpa opa umbái. Jaeño upɨta jekowe rewe Noé jare opaete jae ndiwe chalana wasu pe ñonoï wae reta.

Génesis 7:4

Echa’ä kua wi chiu ara pe amongɨta ɨwɨ re cuarenta ara jare cuarenta pɨ̈tu rupi. Jare che ambaita ɨwɨ wi opaete ipütúe wae reta ayapo wae,” jei Tumpa Noé pe.

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

Hebreos 11:7

Jae nunga wi yanemandúa Noé re. Tumpa uikuaaka chupe ombouta iko ɨporu wasu. Jare Noé wɨrowia. Jáeramo uipɨu rewe uyapo chalana wasu, jukuärái jae jare jëtara reta ipuere waerä oyepe ɨporu wasu wi. Jáeramo Noé wɨrowia Tumpa jei wae re ramo, Tumpa umae jese jeko mbae wae rami. Jare Noé kua uyapo wae rupi uyekuaa jupiete ko opa umano waerä opaete ïru ɨwɨ pewa reta ɨporu wasu pe, echa’ä jae reta wɨrowia’ä Tumpa re.

1 Pedro 4:7

Uyaro ma oï opaete mbaembae reta ime oï wae iyapɨ waerä. Jáeramo piko pearakuaa katu rewe jare pemae kawi rewe pepuere waerä piyerure kawi Tumpa pe.