Génesis 5:22 - Biblia

²² Joko wi Matusalén oa wiwe, Enoc imeño uñemɨïru Tumpa ndiwe ïru 300 año ye, jare oa wi Enoc pe ïru taɨ reta jare tayɨ reta.

Génesis 5:22 Iomraidhean Croise

Génesis 17:1

Abram ime wɨreko noventa y nueve año yawe, Tumpa uyekuaa ye chupe jare jei chupe: “Che ko jae Tumpa chembaepuere tuichaete wae,” jei chupe. “Iñemɨïru kawi che ndiwe jare iyapo jupi waeño.

Génesis 5:21

Enoc 65 año wɨreko yawe, oa jae taɨ Matusalén.

Génesis 5:23

Jayawe Enoc iko 365 año rupi.

Génesis 5:24

Enoc uñemɨïru kawiñoi Tumpa ndiwe. Erëi pëti ara aramoiño uyekuaa’ä ma, echa’ä Tumpa wɨraa ɨwɨ wi jekowe rewe ramo.

Génesis 6:9

Kua ko Noé rewa: Noé iko ambɨe ye ïru wae reta wi. Jae ko pëti kuimbae jupi wae jare jeko mbae wae Tumpa jowai. Jae uñemɨïru kawi Tumpa ndiwe.

Salmo 16:8

Aikuaa Tumpa ikoño mái wae jekuaeño che ndiwe oï. Jayawe ndarau kía chemɨamɨri.

Éxodo 16:4

Jáeramo Tumpa jei Moisés pe: “Mase, che ambouta pewe mbɨyape ara wi, roɨ oa ɨwɨ re wae rami,” jei. “Erëi opa ndimbowe rupi, opaete wae oë omonoo reta yawe iyupe, tomonoo jokua ara pewaräño. Jukuärái uyekuaata uyapota ra reta che jae aï wae rupi, ani uyapota’ä ra reta,” jei.

San Lucas 1:6

Zacarías jare jembireko uyapo jupi wae Tumpa jowai, echa’ä yureko reta jupi opaete Tumpa jei wae rupi.

Hechos 9:31

Joko wi ɨma katu rupi opaete ɨwɨ Judea rupi, Galilea rupi, jare Samaria rupi hermano reta ipɨawiwe yureko jare uñemɨmɨräta reta Tumpa re. Yureko reta uipɨu rewe yandeYa wi, jare Espíritu Santo umbɨpɨakatu reta. Jayawe jekuaeño uyembɨjeta yuraa Cristo re wɨrowia wae reta.

Romanos 8:1

Jayawe ¿mbae ra añawe yandepuere yaikuaa opaete kua mbaembae reta rupi? ¿Kërái ra ko ñaï añawe yande reta Cristo re pëti ramiño yaiko wae? Añawe yaikuaa ñaï Tumpa ndarau ma yanembɨjeko.

1 Corintios 7:17

Erëitu pëti pëti wae jekuaeño tuiko ipuere wae rupi kërái jaeramo Tumpa ueni yawe iko wae rami. Joko peño ko Tumpa oñono. Jukuärái che jae opaete kía Cristo re wɨrowia wae reta pe kerupi rupi uyembatɨ reta wae.

2 Corintios 6:16

¿Këraita ra kía oñono yawe tumparaanga reta tupao wasu japɨpe? Ndarau ikawi. Jare yande reta ko jae jokua tupao wasu rami, echa’ä Tumpa imeño mái iko wae yandepɨte pe oï ramo. Jukuärái jei Tumpa iñeerɨru pe. Echa’ä joko pe Tumpa jei yandewe kuärái: “Che aikota jare awatata cherëtara reta ndiwe. Che aikota jae reta iTumparä, jare jae reta yurekota chemaerä,” jei.

Efesios 5:15

Pe reta peï ma ko tembipe pe; jáeramo piyandareko kawi piyé pechaka waerä teko kawi. Awɨye piko wɨraeño. Piko iyarakuaa katu wae reta rami.

Colosenses 1:10

Jukuärái ore nduyerure noï peré pereko kawi waerä kërái ikawi ko yureko waerä kía kía Tumpa pewa iko wae reta. Echa’ä jukuärái piko yawe, pembɨyerowiata Tumpa opaete mbaembae piyapo wae rupi. Echa’ä piyeyokui kawita chupe opaete mbae ikawi wae Tumpa pe piyapo wae rupi, jare jekuaeño wi pekuakuaata Tumpa kotɨ arakuaa rupi.

Colosenses 4:5

Jayawe piko pearakuaa katu rewe Cristo re wɨrowia mbae wae reta ipɨte rupi. Jare piporu kawi ara reta piyeyokui waerä Tumpa pe.

1 Tesalonicenses 2:12

Ore pumbɨpɨakatu, jare pumɨkɨrëɨ, jare pumɨatangätu piko waerä jupi rupi Tumpa jowai. Echa’ä Tumpa ko jae pemburuwicha wasu, jare pe reta piyekouta peï jae imbaepuere jupiete ye wae re jae oï ma yawe opaete wae imburuwicha wasurä jaeño mái pewa.

1 Tesalonicenses 4:1

Jayawe hermano mii reta, ore pumɨñera yandeYa Jesucristo jee re jekuaeño piko pembɨyerowia waerä Tumpa. Ore pumbɨarakuaa kawi ma jokua kërái piyapo waerä, jare jukuäraiete pe reta piyapo peï. Jaeño nduipota pe reta jeiete piyapo waerä jukuärái.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.