Génesis 46:2 - Biblia

² Jokua pɨ̈tu Tumpa uyekuaa Jacob pe jare jei chupe: “Jacob.” Jare Jacob jei: “¿Mbae pa, cheYa?” jei chupe.

Génesis 46:2 Iomraidhean Croise

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 15:13

Jare Tumpa umɨngeta Abram ipau pe jare jei chupe: “Ikuaa kawi nde kuärái: Niñemoñaa reta uiporarata ñonoï irundɨ chiëto año rupi ambɨe ɨwɨ pewa reta iɨwɨ pe. Jokua ɨwɨ pewa reta uyapota ipione retarä täta rupi uyeyokui chupe reta waerä,” jei.

Génesis 22:1

Isaac taurusu ma yawe, Tumpa uipota omboporowa Abraham añetete ra wɨrowia katu jese wae. Jayawe pëti ara Tumpa ueni Abraham. Jare Abraham jei chupe: “¿Mbae pa, cheYa?” jei.

Génesis 22:11

Erëi aramoiño ara wi araɨwa Tumpa etei wae umɨngeta Abraham jare jei chupe: “¡Abraham, Abraham!” jei. Abraham jei chupe: “¿Mbae pa, cheYa?” jei.

Génesis 31:11

Jacob jei Lea jare Raquel pe: “Araɨwa Tumpa etei wae uyekuaa chewe chepau pe jare chereni cheree pe. Jayawe che jae chupe: “¿Mbae pa, cheYa?’ jae chupe.

Hechos 10:13

Jare Pedro uyandu pëti ñee jei chupe: “Pedro, epüa ekua iyuka jeu,” jei.

Hechos 10:3

Pëti ara, mbapɨ ora ma kaaru yawe, Tumpa umbɨpau wae echa Cornelio. Jukuärái uechaka chupe pëti araɨwa ou oï ipɨ wae. Jare araɨwa ueni Cornelio.

Hechos 16:9

Jokua pɨ̈tu Pablo ipau rupi Tumpa uechaka chupe pëti kuimbae ɨwɨ Macedonia pewa uyemboɨ oï Pablo jowai. Jare kuimbae umɨñera Pablo jare jei chupe: “Eyu mii cheɨwɨ Macedonia pe oremborɨ waerä,” jei chupe ipau rupi.

Hechos 9:10

Ime iko tëta wasu Damasco pe pëti kuimbae Cristo re wɨrowia wae Ananías jee wae. Jare yandeYa umbɨpau wae echa jei chupe kuärái: “Ananías,” jei. Jare Ananías jei: “¿Mbae pa, cheYa?” jei.

Hechos 9:4

Jáeramo Saulo jawoi pewa oa ɨwɨ re, jare uyandu ñee jei chupe: “Saulo, ¿maera pa jekuaeño ndiyapo neï ikawi mbae wae chekotɨ?” jei chupe.