Génesis 46:1 - Biblia

¹ Jacob jare jëtara reta uyapɨkatu opaete imbaembae reta jare oë yuraa reta ɨwɨ Egipto kotɨ. Uwata reta rambuewe, yuraa uwäe reta tëta wasu Beerseba jee wae pe. Joko pe Jacob uyapo pëti mbaerenda ita pewa, jare uyuka mbaemɨmba oñono iáramo uapɨ umee waerä Tumpa pe – jae ko tu Isaac iTumpa wi.

Génesis 46:1 Iomraidhean Croise

Génesis 12:8

Joko wi Abram jare ïru reta oë yuraa reta warasɨ oë wae kotɨ ɨwɨ jeta ñaipe wae kotɨ. Jare umbɨyemboɨ reta jëta wakapi pewa tëta wasu raɨ Betel jee wae warasɨ uike wae kotɨ jare tëta wasu raɨ Hai jee wae warasɨ oë wae kotɨ ipäu pe. Joko pe Abram uyapo ye ambɨe mbaerenda ita pewa. Jare joko pe imandúa Tumpa re, jare umbutuicha wi Tumpa jee.

Génesis 22:13

Jayawe Abraham uyerowa umae jaɨkue kotɨ jare uecha pëti owecha kuimbae upäa iko jäti rupi ñana tëɨ wae ipɨte pe. Jayawe Abraham oyora taɨ. Jare oo uipɨsɨ ueru jokua owecha kuimbae jare oñono mbaerenda iáramo. Joko wi uyuka uapɨ umee waerä Tumpa pe taɨ Isaac ipepɨka pe.

Génesis 28:10

Jacob oë oo ɨwɨ Beerseba wi yawe, jae oo tëta wasu Harán kotɨ.

Génesis 28:13

Jare Jacob uecha wi Tumpa yupika iáramo oï wae. Jare Tumpa jei Jacob pe: “Che ko jae Tumpa aikoño mái wae, nderamɨkue Abraham iTumpa jare nderu Isaac iTumpa,” jei. “Opaete kua ɨwɨ Canaán, ndiyapakua neï jese wae etei, ameeta aï ndewe jare niñemoñaa reta pe,” jei.

Génesis 4:4

Jare Abel uiparawo amokue wae iowecha reta imembɨrɨpɨ ikawiete wae, jare uyuka, jare ueru umee waerä Tumpa pe mɨmba isoo ikawiete wae jare ikɨra wae. Jare Tumpa uyerowia umae Abel re jare jokua jae ueru wae re.

Génesis 45:28

Jayawe jei: “¡Añetete ko aipo jayawe cheraɨ José imeño iko! Ata aecha ndei amano mbowe,” jei Jacob.

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Hechos 7:15

“Jukuärái Jacob oo uyakao ɨwɨ Egipto pe jare joko pe umano. Jare taɨ reta wi umano joko pe.

1 Samuel 8:2

Samuel taɨrɨpɨ jee Joel, jare ïruwe jee Abías. Jae reta iko mburuwicharä tëta wasu Beerseba jee wae pe.