Génesis 45:3 - Biblia

³ Joko wi José jei tɨwɨ jare tɨkeɨ reta pe: “¡Che ko jae José! ¿Imeño pa iko yanderu?” upɨrandu chupe reta. Erëi omoë'ä pëti awe iñee tɨwɨ jare tɨkeɨ reta, echa’ä täta ukɨye reta uikuaa ma yawe jae ko José wae.

Génesis 45:3 Iomraidhean Croise

Génesis 37:20

“Ya yayuka jare yamombo jetekue pëti ɨwɨkua kɨpe wae pe. Jare yambeuta kuri yanderu pe pëti mbaemɨmba pochɨ wae ñana rupiwa ndipo uyuka jou. Yaecha tuyeyapo kuri jokua ipau reta,” jei iyupe reta.

Génesis 42:21

Erëi uyemɨngeta reta jae yepái kuärái: “Kua mbaesusere oa oï yanderé karamboe yayapo mbae ikawi mbae wae yanderɨwɨ José kotɨ jeko pewa. Yaecha tëi jae ikuasɨ katu uyerure yandewe yaiparareko waerä tëi, erëi yayapɨsaka’ä jese. Jáeramo añawe oa oï yanderé kua mbaesusere tuicha wae.” Jukuärái jei iyupe reta.

Génesis 42:22

Jayawe Rubén jei chupe reta: “Ambeu tëi pewe awɨye piyapo marái yanderɨwɨ, erëi pe reta piyapɨsaka’ä cheré. Añawe yaiporarata ko aipo jokua ikawi mbae yayapo wae jeko pewa,” jei chupe reta Rubén.

Génesis 43:27

Jare José upɨrandu chupe reta: “¿Kërái pa peï?” Jare upɨrandu ye chupe reta tu rewa: “Pe reta pemiäri chewe peru indechi mii wae rewa. ¿Kërái pa oï jae? ¿Imeño pa iko jae?” jei José chupe reta.

San Lucas 5:8

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

Hechos 7:13

“Jare opa yawe jokua tembiu owakue reta wae, Jacob omondo ye reta. Jare kua wese José uyekuaaka tɨkeɨ reta pe jare tɨwɨ pe. Jare uikuaaka wi mburuwicha wasu pe jëtara reta,” jei.

Hechos 9:5

Jayawe Saulo upɨrandu: “¿Kía pa ko nde, mburuwicha?” jei. Jayawe ñee jei chupe: “Che ko jae Jesús,” jei. “Ndiporaraka neï cheré wɨrowia wae reta pe yawe, chekotɨ etei ko ndiyapo neï mbae ikawi mbae wae,” jei chupe.

Apocalipsis 1:7

¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.