Génesis 45:1 - Biblia

¹ Jayawe José ipɨatɨtɨete Judá jei wae uyandu yawe. Jáeramo jei uyeyokui chupe wae reta pe usapɨkai rewe opa usɨrɨ reta chuwi waerä. Echa’ä José uipota iko jaeño pe etei tɨwɨ jare tɨkeɨ reta ndiwe uyekuaaka waerä chupe reta.

Génesis 45:1 Iomraidhean Croise

Génesis 42:24

Jayawe uyandu yawe jae reta yepái uyemɨngeta iko wae, José ipɨatɨtɨ tuicha rupi. Jáeramo usɨrɨ chuwi reta jare oo uyao. Joko wi ipɨamaña ye ma yawe, ou ye tɨkeɨ reta ñonoï wae pe. Jare jae reta ipɨte wi uekika wɨraa pëti tɨkeɨ Simeón jee wae jare uñapɨ̈tika ïru tɨkeɨ reta jowai.

Génesis 44:34

¿Këraita pa añatima ye cheru kotɨ cherɨwɨ mbae? Ndarau chepuere, echa’ä aipota’ä etei aecha cheru uiporara oï jokua mbɨatɨtɨ pe.” Jukuärái jei Judá José pe.

San Mateo 18:15

Jare Jesús jei wi jemimboe reta pe: “Ïru cheré wɨrowia wae mbae kachi uyapo ndekotɨ yawe, ekua ikuaaka chupe jeko kía uikuaa mbae rewe. Jare jae uyapɨsaka nderé yawe, ndiyeapɨkatu ma ko jae ndiwe,” jei.

Hechos 10:41

“Uyekuaa’ä opaete judío reta pe, jaeño orewe. Añetete ore nduecha Jesús jare ndukaru jae ndiwe jae ikowe ye ma yawe. Echa’ä Tumpa oreparawo ma tenonde wiwe numɨmbeu waerä ïru wae reta pe ore nduecha wae. Jare ore nduecha ko Jesús ikowe ye ou umanokue wae reta ipɨte wi,” jei.

Hechos 7:13

“Jare opa yawe jokua tembiu owakue reta wae, Jacob omondo ye reta. Jare kua wese José uyekuaaka tɨkeɨ reta pe jare tɨwɨ pe. Jare uikuaaka wi mburuwicha wasu pe jëtara reta,” jei.

1 Corintios 13:5

Jare jae nunga wi yaiporuta’ä ñee kachi wae, jare yaekata’ä yanemaeräño. Jare jae nunga wi yandepochɨ woita’ä mbae re, jare ndarau yambaembasɨ wi.