Génesis 44:1 - Biblia

¹ Joko wi Benjamín jare tɨkeɨ reta uyeyapɨkatu yuraa ye waerä. Jokua rambuewe José oyokui jëta pe uparawɨkɨ wae reta itenondewa opa umɨtɨnee waerä chupe reta jewɨta jeta tembiurä, opaete ipuereta wɨraa reta wae rupi. Erëi José oyokui wɨari wi oñono ye waerä chupe reta ikorepoti tembiurä umbɨepɨ tëi reta wae pëti pëti wae jewɨta japɨpe.

Génesis 44:1 Iomraidhean Croise

Génesis 42:25

Joko wi José oyokui amokue uyeyokui chupe wae reta umɨtɨnee waerä pëti pëti tɨkeɨ reta jewɨta tembiurä wae pɨpe. Jare umeeka chupe reta wi itapekerä. Erëi José oyokui wɨari jokua uyeyokui wae reta oñono ye waerä chupe reta ikorepoti jembiurä umbɨepɨ tëi wae, pëti pëti wae jewɨta japɨpe. Jayawe uyapo reta José oyokui wae rupi.

Génesis 42:35

Joko wi, umbɨpɨ uekuawo reta yawe tembiurä wae jewɨta wi, pëti pëti wae uecha ikorepoti jewɨta japɨpe oï. Jáeramo ukɨyete reta. Tu ukɨyete wi.

Génesis 43:16

Jare José uecha yawe Benjamín oï jae reta ndiwe, oyokui jëta pewa uyeyokui chupe wae reta itenondewa jare jei chupe: “Eraa cherëta pe kua kuimbae reta,” jei. “Jawoi pewa iyuka pëti mbaemɨmba jare iyapo tembiu ikawi wae. Echa’ä jae reta ukaruta che ndiwe ara mbɨte pe,” jei oyokui.

Génesis 43:19

Jayawe yuraa uwäe reta José jëta jöke pe yawe, jare ndei uike o pe mbowe, oya reta jokua José pe uyeyokui wae re uyemɨngeta reta waerä jae ndiwe.

Génesis 43:2

Jare ɨmambae Jacob jëtara reta opa jou jokua tembiu uerukue ɨwɨ Egipto wi wae. Jáeramo Jacob jei taɨ reta pe: “Pekua pewa ye yanderembiurä ɨwɨ Egipto pe,” jei chupe reta.

Génesis 44:2

Jare oyokui wi oñono waerä taɨkuewaete jewɨta japɨpe ikorepoti jare José icopa jepɨete wae. Jayawe jae uyapo José oyokui wae rupi.