Génesis 43:16 - Biblia

¹⁶ Jare José uecha yawe Benjamín oï jae reta ndiwe, oyokui jëta pewa uyeyokui chupe wae reta itenondewa jare jei chupe: “Eraa cherëta pe kua kuimbae reta,” jei. “Jawoi pewa iyuka pëti mbaemɨmba jare iyapo tembiu ikawi wae. Echa’ä jae reta ukaruta che ndiwe ara mbɨte pe,” jei oyokui.

Génesis 43:16 Iomraidhean Croise

Génesis 15:2

Erëi Abram jei chupe: “CheYa Tumpa, jaekawita’ä ko nde chembɨyekou waerä, echa’ä amanota aï cheraɨ mbae rewe ramo. Jare amano yawe, chepione reta itenondewa Eliezer – Damasco pewa ko – upɨtata opaete chembaembae reta chupe, echa’ä nemee’ä ma ko chewe pëti awe cheraɨrä,” jei.

Génesis 21:8

Jayawe Isaac tuicha ma yawe, ichɨ umbɨkambupoi. Jayawe Abraham uyapo arete yerowia pewa, echa’ä Isaac ukambupoi ramo.

Génesis 43:17

Jayawe jae uyapo José oyokui wae rupi jare oo woi wɨraa reta José jëta kotɨ.

Génesis 43:19

Jayawe yuraa uwäe reta José jëta jöke pe yawe, jare ndei uike o pe mbowe, oya reta jokua José pe uyeyokui wae re uyemɨngeta reta waerä jae ndiwe.

Génesis 44:1

Joko wi Benjamín jare tɨkeɨ reta uyeyapɨkatu yuraa ye waerä. Jokua rambuewe José oyokui jëta pe uparawɨkɨ wae reta itenondewa opa umɨtɨnee waerä chupe reta jewɨta jeta tembiurä, opaete ipuereta wɨraa reta wae rupi. Erëi José oyokui wɨari wi oñono ye waerä chupe reta ikorepoti tembiurä umbɨepɨ tëi reta wae pëti pëti wae jewɨta japɨpe.

Génesis 44:4

Erëi ndei yuraa mbɨrɨ mbowe tëta wasu wi, José oyokui jëta pe uparawɨkɨ wae reta itenondewa jare jei chupe: “¡Ekua jokua kuimbae reta jaɨkue! Jare ndeo ndepitɨ reta yawe, ere chupe reta kuärái: “¿Maera pa pemɨñatima ye ikawi mbae wae ikawi uyapo pewe wae pe?