Génesis 43:12 - Biblia

¹² “Peraa wi mokui wese ye yanderembiu jepɨrä, echa’ä aramoi tenonde uyawɨ ramo oñono ye pekorepoti perewɨta japɨpe. Jáeramo imeta ko pemee ye chupe jokua korepoti,” jei.

Génesis 43:12 Iomraidhean Croise

Génesis 42:25

Joko wi José oyokui amokue uyeyokui chupe wae reta umɨtɨnee waerä pëti pëti tɨkeɨ reta jewɨta tembiurä wae pɨpe. Jare umeeka chupe reta wi itapekerä. Erëi José oyokui wɨari jokua uyeyokui wae reta oñono ye waerä chupe reta ikorepoti jembiurä umbɨepɨ tëi wae, pëti pëti wae jewɨta japɨpe. Jayawe uyapo reta José oyokui wae rupi.

Génesis 42:35

Joko wi, umbɨpɨ uekuawo reta yawe tembiurä wae jewɨta wi, pëti pëti wae uecha ikorepoti jewɨta japɨpe oï. Jáeramo ukɨyete reta. Tu ukɨyete wi.

Génesis 43:13

“Peraa wi perɨwɨ Benjamín jare pekua ye mburuwicha jowai,” jei chupe reta.

Génesis 43:21

Erëi noë yawe kua wi, jare ndoo nuwäe yawe kiape jokua pɨ̈tu ndupɨtata nduiko wae pe, ndoyora pëti pëti wae orerewɨta. Jare nduecha japɨpe oï opaete orekorepoti tembiurä jepɨrä tëi wae. Jáeramo ndueru ye jokua korepoti,” jei reta.

Génesis 43:22

“Ore nduikuaa’ä kía ra oñono ye orekorepoti orewe orerewɨta japɨpe wae. Erëitu ndueru ye wi ïru korepoti ndowa ye waerä orerembiurä,” jei reta José pe uyeyokui wae pe.

Romanos 12:17

Kía mbae ikawi mbae wae uyapo pewe yawe, awɨye mbae ikawi mbae wae piyapo chupe wi. Jekuaeño piyapo ikawi wae opaete wae jowake.

Romanos 13:8

Pepía kía pe yawe, awɨye pemaeño ɨma tuasa pembɨepɨ ye waerä chupe. Erëi ime ñanoi pëti mbía opa mbae wae – jae ko yayerauta päwe rewe wae. Jekuaeño piyerau päwe rewe jayawe. Echa’ä kía uau japicha wae, añetete uyapo oï jupi opaete Moisés arakae uikuatía wae.

2 Corintios 8:21

Ore nduipota nduyapo jupi wae opaete wae jowake – mbaetɨ yandeYa jowakeño.

Filipenses 4:8

Añawe hermano mii reta, ime ye mbae re aipota pumbɨarakuaa: Ime yawe mbae añetete wae jare ikawi oï wae, jokua re ko piyemɨngetata pepɨa pe. Jare piyemɨngeta wi pepɨa pe ipotawe mbae jupi oï wae re, jare ikɨa mbae oï wae re, jare ipöra oï wae re, jare ipotawe mbae uyekuaa kawi oï wae re wi. Ime yawe mbae jokua yae chupe, “Kua ikawi ko,” jare ikawi oï yawe yaipɨu waerä chuwi, jayawe jekuaeño pepɨa pe piyemɨngeta jese.

1 Tesalonicenses 4:6

Kua nunga mbaembae rupi awɨye piyapo ikawi mbae wae perapicha kotɨ jare awɨye pembɨtawɨ wi. Echa’ä yandeYa uiporarakata oï kua nunga mbaembae uyapo wae pe kërái ore numɨmbeu pewe wae rami.

1 Tesalonicenses 5:21

Pemboporowa rani jokua ñee añetete ra ou Tumpa wi. Jare ikawi oï yawe jokua ñee, jayawe pipɨsɨ jare pemandúa jese.

Hebreos 13:8

Jesucristo uyembɨambɨe’ä etei iyɨpɨ wiwe, añawe rewa, jare jaeño mái pewa.