Génesis 42:6 - Biblia

⁶ Ɨwɨ Egipto pe José ko jae mburuwicha reta itenondewa. Jae ko owaka oï tembiurä opaete pewarä. Jáeramo José oï wae pe yuweru uwäe tɨkeɨ reta, jare uñeñono reta ɨwɨ re uipɨu rewe José jowai.

Génesis 42:6 Iomraidhean Croise

Génesis 18:2

Jare Abraham umae yawe, aramoiño uecha yuweru ñonoï ikotɨ mbapɨ kuimbae reta. Jáeramo Abraham upüa wɨrae oo owäiti jare uñeñono ɨwɨ re uipɨu rewe. Jukuärái jae umbɨsaluda.

Génesis 19:1

Kaaruete ma iko yawe, jokua mokui araɨwa reta yuraa uwäe tëta wasu Sodoma pe. Jare Lot uwapɨ oï yembatɨrenda pe tëta wasu ikësea jöke iyɨpɨ pe. Jare Lot uecha yawe, upüa oo owäiti jare uñeñono ɨwɨ re uipɨu rewe. Jukuärái umbɨsaluda.

Génesis 41:43

Mburuwicha wasu umee wi José pe pëti karosa mburuwicha wasu uruwata pɨpe wae. Jare omondo jae jenonde amokue sɨndaro jae iyandarekoa reta usapɨkai pɨi reta: “¡Piñeñono petawa re kua yanemburuwicha jowai!” jei reta. Jukuärái mburuwicha wasu uyapo José opaete ɨwɨ Egipto pewa reta itenondewarä.

Génesis 41:57

Jayawe ou reta ikotɨ̈atɨ̈a ɨwɨ wi Egipto pe owa reta waerä tembiurä José wi, echa’ä karuái tuichaete oï opaete ɨwɨ rupi ramo.

Génesis 44:14

Jayawe Judá jare ïru reta yuweru uwäe yawe, José imeño oï jëta pe. Jayawe yuweru uñeñono reta ɨwɨ re José jowai tuicha ukɨye reta ramo.

Génesis 45:26

Jare yuraa uwäe reta yawe jëta pe, imiäri reta tu pe: “¡Imeño yepe nderaɨ José iko! ¡Jae yepe opaete ɨwɨ Egipto pewa mburuwicha reta itenondewa!” jei imiäri reta tu pe. Jare kua uyandu yawe, Jacob ipɨakañɨete. Yawaiete chupe wɨrowia waerä.

Génesis 45:8

“Pe reta’ä ko kua pe chembou. Tumpa etei ko chembou kua pe,” jei. “Jare Tumpa ko cheñono amee waerä arakuaa mburuwicha wasu pe,” jei. “Jae umee chewe ayandareko waerä opaete mburuwicha wasu imbaembae reta re. Jare umee wi chewe mbaepuere opaete ɨwɨ Egipto re,” jei chupe reta.

Hechos 7:10

Jare jekuaeño omborɨ José opaete yembɨawái reta rupi,” jei. “Joko wi Tumpa umbɨpɨakawi mburuwicha wasu ɨwɨ Egipto pewa umae kawi waerä José re. Jae uikuaa iko Tumpa umee José pe arakuaa. Jáeramo mburuwicha wasu umbɨjee José opaete ɨwɨ Egipto pewa reta imburuwicharä. Jukuärái José wɨreko mbaepuere opaete Egipto pewa reta re, jare mburuwicha wasu jëtara reta re wi,” jei Esteban chupe reta.

Apocalipsis 3:9

‘Pe reta pikuaa jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta iyapu wae reta ko jare uyembatɨ Satanás jee re uikuaa mbae rewe. Mase, che ayapokata jae reta yuweru waerä pekotɨ jare uñeñono reta waerä ɨwɨ re perowai uñemɨmichi rewe. Jare jeita reta pewe: “Añetete yepe yandeYa perau,” jeita reta.