Génesis 42:21 - Biblia

²¹ Erëi uyemɨngeta reta jae yepái kuärái: “Kua mbaesusere oa oï yanderé karamboe yayapo mbae ikawi mbae wae yanderɨwɨ José kotɨ jeko pewa. Yaecha tëi jae ikuasɨ katu uyerure yandewe yaiparareko waerä tëi, erëi yayapɨsaka’ä jese. Jáeramo añawe oa oï yanderé kua mbaesusere tuicha wae.” Jukuärái jei iyupe reta.

Génesis 42:21 Iomraidhean Croise

Génesis 41:9

Jayawe mburuwicha wasu pe vino umeeñoi wae jei chupe: “Añawe chemandúa aï ayawɨ aiko wae re,” jei.

Génesis 44:16

Jayawe Judá jei chupe: “¿Mbae ra ndoeta ndewe, oreruwicha? Echa’ä mbaetɨ mbae awe orepuere nduyapo nduikuaaka ndewe waerä nonoi’ä etei ko teko ndekotɨ. Tumpa ko uiporaraka oï orewe orereko kachi re. Añawe ore jare orerɨwɨ ndecopa wɨreko wae nduikota täta nduyeyokui waerä ndewe,” jei Judá José pe.

Génesis 45:3

Joko wi José jei tɨwɨ jare tɨkeɨ reta pe: “¡Che ko jae José! ¿Imeño pa iko yanderu?” upɨrandu chupe reta. Erëi omoë'ä pëti awe iñee tɨwɨ jare tɨkeɨ reta, echa’ä täta ukɨye reta uikuaa ma yawe jae ko José wae.

San Mateo 7:2

Echa’ä ïru wae reta iñerata peré kërái pe reta ïru wae reta re piñera wae rami. Jayawe piñera yawe täta rupi ïru wae re, jukuärái wi jae täta rupi iñerata peré,” jei.

Marcos 9:48

“Tatawasurenda pe taso reta oporou wae ndarau umano, jare tata ndarau owe,” jei chupe reta. Jukuärái Jesús oporomboe umbɨjaanga rewe japicha pe uyawɨka Tumpa kotɨ wae reta rewa.

San Lucas 16:28

Echa’ä ime anoi pandepo cherɨwɨ reta, jare aipota’ä jae reta wi yuweru waerä kua pe ore nduiporaraete noï wae pe. Emondo mii Lázaro tumɨmbeu chupe reta,’ jei chupe.

Hechos 19:18

Jare jeta jaeramo Cristo re wɨrowia wae reta uñemɨmichi rewe uyembeu reta ïru wae reta jowake kërái Tumpa kotɨ uyawɨ reta wae.

Santiago 2:13

Jare ime yawe kía uiparareko’ä japicha wae, Tumpa umbɨjekota onoi kuri uiparareko mbae rewe. Erëi kía japicha uiparareko wae uyerowiata oï kuri jokua ara.

1 Juan 1:9

Erëi yayembeu yawe Tumpa pe yayawɨ wae rewa, jae opata umbái yandewi jokua teko ñanoi wae jare yandepɨayoeta opaete mbae jupi mbae yayapo wae wi. Jukuärái Tumpa uyapota, echa’ä jukuärái jae jei uyapota iko ramo. Jare Tumpa jekuaeño uyapo jae jei wae, echa’ä jae jupiete ye wae ko.