Génesis 42:19 - Biblia

¹⁹ “Añetete kuimbae jeko kawi wae reta ko pe reta yawe, jayawe tupɨta kua pe pëti wae pepɨte wi peresorɨru pe. Jare pe reta peraata jokua perembiurä pewa wae pemɨngaru waerä perëtara iyembaɨ ñonoï wae reta,” jei chupe reta.

Génesis 42:19 Iomraidhean Croise

Génesis 40:3

Jáeramo wɨraaka reta isɨndaro reta itenondewa Potifar pe oñonoka waerä peresorɨru pe. Jokua peresorɨru pe oï wi José.

Génesis 41:56

Jayawe karuái tuichaete oï ramo, José uipeaka opaete tembiurä jɨru reta jare umbɨpɨ owaka tembiurä ɨwɨ Egipto pewa reta pe.

Génesis 42:11

Opaete ore pëti tu waeño ko. Ore jae’ä ko upurupiäro wae reta, oreya. Ore ko jae kuimbae reta jeko kawi wae,” jei reta chupe.

Génesis 42:18

Mbapɨ ara ma uasa yawe, José ueruruka ye tɨkeɨ reta jae jowai jare jei chupe reta: “Tumpa wi aipɨu wae ko che. Jáeramo piyapo yawe kua che jaeta pewe wae, jayawe ndarau puyukaka,” jei chupe reta.

Génesis 42:20

“Erëi peru yawe chewe perɨwɨ, jukuärái aikuaata pe pere chewe wae añetete ko. Jayawe puyukakata’ä,” jei José chupe reta. Jayawe jokua jaekawi chupe reta.

Génesis 42:26

Jayawe tɨkeɨ reta umbɨwɨta imburika reta jare opa oë ye yuraa reta joko wi.

Génesis 42:33

“Erëi mburuwicha ɨwɨ Egipto pewa jei orewe: ‘Aikuaata pe reta pere chewe wae añetete ra kuärái: Pëti pepɨte wi imeta ko upɨta kua pe peresorɨru pe. Jare opaete ïruwe pe reta peraata perembiurä pemɨngaru waerä perëtara iyembaɨ ñonoï wae reta.

Génesis 45:23

Jare tu pewarä José omondo mbaembae ikawiete wae ɨwɨ Egipto pewa payandepo mburika kuimbae reta re. Omondo chupe wi payandepo mburika kuña reta re kuärái: trigo, mbɨyape, jare itapekerä tu jou waerä tape rupi.