Génesis 42:13 - Biblia

¹³ Jayawe jae reta jei chupe: “Ore ndepo pe noï nuñemɨmichi rewe, jare doce pëti tu waeño ɨwɨ Canaán pewa ko ore. Orerɨwɨ taɨkuewaete upɨtaño oreru ndiwe, jare ïru orerɨwɨ mbaetɨ ma iko,” jei reta chupe.

Génesis 42:13 Iomraidhean Croise

Génesis 37:30

Jare oo ye tɨwɨ reta ñonoï wae pe yawe, Rubén jei chupe reta ipɨatɨtɨ rewe: “Taurusu wae mbaetɨ ma joko pe oï. Añawe, ¿mbae pa che ayapota?” jei chupe reta.

Génesis 42:11

Opaete ore pëti tu waeño ko. Ore jae’ä ko upurupiäro wae reta, oreya. Ore ko jae kuimbae reta jeko kawi wae,” jei reta chupe.

Génesis 42:12

Erëi José jeiete jei chupe reta: “¡Añetete’ä ko! Peyu ko pemae waerä oreɨwɨ re, pikuaa waerä kerupi ra orepɨräta’ä noï wae oremɨamɨri waerä,” jei chupe reta.

Génesis 42:14

Erëi José jei ye chupe reta: “¡Kërái che jae wae rami, upurupiäro wae reta ko pe reta!” jei.

Génesis 42:32

Ore ko jae doce pëti tu waeño. Pëti orerɨwɨ mbaetɨ ma iko, jare orerɨwɨ taɨkuewaete upɨtaño oreru ndiwe ɨwɨ Canaán pe,’ ndoe chupe,” jei reta tu pe.

Génesis 42:36

Jayawe tu Jacob jei chupe reta: “Pereko pewa ko ukañɨ ma chewi mokui cheraɨ reta. Tenonde cheraɨ José ukañɨ, jare añawe cheraɨ Simeón ukañɨ wi chewi. Jare añawe pipota peraa ye peï chewi Benjamín. Opaete kua mbaesusere oa oï cheré, mbaetɨ peré,” jei chupe reta.

Génesis 42:38

Erëi Jacob jei chupe reta: “Oota’ä cheraɨ mii pe reta ndiwe. Echa’ä tɨkeɨ umano ma, jare jaeño ma ko iko pëti ichɨ wae imembɨ. Chendechiete ma parawete, jare uasa yawe marái chupe tape rupi, cheyukata ko mbɨatɨtɨ,” jei chupe reta.

Génesis 43:29

Jare José uecha jae reta ndiwe oï tɨwɨ Benjamín – José ichɨ imembɨ ko. Jayawe upɨrandu chupe reta: “¿Jae ko perɨwɨ pe reta pemiäri jese chewe wae?” jei. Jare José jei Benjamín pe: “Tumpa tuyandareko nderé, cheraɨ,” jei chupe.

Génesis 43:7

Jae reta jei chupe: “Jokua mburuwicha jeiete upɨrandu orewe orerëtara reta rewa. Jare upɨrandu wi orewe: “¿Peru imeño pa iko? ¿Ime pa penoi ïru perɨwɨ?’ jei orewe,” jei reta chupe. “Ore imeta ko numɨmbeu chupe jesewa. Ore nduikuaa’ä nduiko jae oreokuita ko nduraa waerä chupe orerɨwɨ,” jei reta tu Jacob pe.

Génesis 44:20

“Jayawe ore numɨmbeu ndewe: ‘Imeño iko oreru indechiete wae, jare ime ïru orerɨwɨ taurusu oï wae. Jae oa ichɨ wi oreru indechi ma iko yawe. Orerɨwɨ jaeño ma iko pëti ichɨ wae imembɨ. Ïruwe tɨkeɨ umano ma ko. Jáeramo oreru uauete orerɨwɨ,’ numɨmbeu ndewe.

Génesis 44:28

Erëi pëti wae ukañɨ ma chewi. Pëti mbaemɨmba pochɨ wae ñana rupiwa ndipo uyuka jou jokua cheraɨ. Jáeramo jae oë oo wiwe, aecha yewɨ'ä ma cheraɨ.

Génesis 45:26

Jare yuraa uwäe reta yawe jëta pe, imiäri reta tu pe: “¡Imeño yepe nderaɨ José iko! ¡Jae yepe opaete ɨwɨ Egipto pewa mburuwicha reta itenondewa!” jei imiäri reta tu pe. Jare kua uyandu yawe, Jacob ipɨakañɨete. Yawaiete chupe wɨrowia waerä.

San Mateo 2:16

Jayawe jeräkua Herodes pe jokua yasɨtata re uyemboe wae reta opa ye ma yepe yuraa ikotɨ̈a rupi jare mbaetɨ uyapo reta Herodes jei wae. Jáeramo Herodes pochɨete rewe omondo sɨndaro reta Belén pe jare Belén iyɨpɨ rupi uyuka reta waerä opaete sambiaɨ kuimbae mii reta ndei mokui año onoi wae reta. Jukuärái uyapo Herodes uyukaka waerä tëi Jesús. Echa’ä yasɨtata re uyemboe wae reta uyemboɨ yawe Herodes jowai, jae reta jei chupe: “Mokui año ma oï jokua yasɨtata umbɨpɨ uyekuaa orewe wae,” jei reta chupe.

San Mateo 2:18

“Tëta wasu Ramá pe uyenduta jäse ikuasɨ katu rewe uyao ñonoï wae reta. Echa’ä Raquel iñemoñaa reta uyaota ñonoï imembɨ reta re. Jare ndarau etei kía ipuere umbɨpɨakatu reta, echa’ä imembɨ reta opa ma ko umano chuwi.” Jukuärái jei.