Génesis 41:56 - Biblia

⁵⁶ Jayawe karuái tuichaete oï ramo, José uipeaka opaete tembiurä jɨru reta jare umbɨpɨ owaka tembiurä ɨwɨ Egipto pewa reta pe.

Génesis 41:56 Iomraidhean Croise

Génesis 12:10

Jokua año rupi ime iko karuái tuicha wae jokua ɨwɨ Canaán pe. Jáeramo Abram jare jëtara reta oë yuraa ɨwɨ Egipto kotɨ ñonoï waerä joko pe karuái uasa rewa.

Génesis 41:30

“Erëi taɨkue rupi outa oï karuái wasu chiu año pewa. Jayawe ɨwɨ Egipto pewa reta iñakañɨta jokua tenonde chiu año mbaewɨye jetaete wae wi, echa’ä karuái wasu urukuasɨeteta opaete kua ɨwɨ pewa reta,” jei.

Génesis 41:35

“Iyokui jokua mburuwicha reta umbatɨka waerä opaete jokua tembiurä kua chiu año ikawi wae wi,” jei. “Jare emee chupe reta mbaepuere upika reta waerä jokua tembiurä jare uyandareko kawi waerä jese pëti pëti tëta wasu reta rupi,” jei.

Génesis 41:55

Jare opaete umaetɨ wae jeñɨ'ä etei yawe ɨwɨ Egipto pe, umbɨpɨ uata tembiurä chupe reta. Jáeramo jeta yuraa uyerure reta mburuwicha wasu pe tembiurä re. Jayawe mburuwicha wasu omondo jae reta yuraa waerä José kotɨ jare uyapo reta waerä opaete jae jei wae rupi.

Génesis 41:57

Jayawe ou reta ikotɨ̈atɨ̈a ɨwɨ wi Egipto pe owa reta waerä tembiurä José wi, echa’ä karuái tuichaete oï opaete ɨwɨ rupi ramo.

Génesis 42:6

Ɨwɨ Egipto pe José ko jae mburuwicha reta itenondewa. Jae ko owaka oï tembiurä opaete pewarä. Jáeramo José oï wae pe yuweru uwäe tɨkeɨ reta, jare uñeñono reta ɨwɨ re uipɨu rewe José jowai.

Génesis 43:1

Joko wi jeieteño karuái täta rupi ɨwɨ Canaán pe.

Hechos 17:26

“Jare pëti kuimbae wiño Tumpa uyapo opaete ambɨe ye ye ɨwɨ pewa reta kiape kiape ñonoï wae rupi. Jare ndei uyekuaa reta mbowe, Tumpa jei ma kiape etei ra yurekota wae jare kërái yawe rewa ra yurekota reta joko pe,” jei.