Génesis 41:49 - Biblia

⁴⁹ José umbatɨka jare upika jetaete tembiurä, jeta ye ye ɨwɨkuïti mar jembeɨ rupi oï wae echa rami. Jare tembiurä umbatɨ ñonoï wae reta tenonde yawe umbatɨ reta umɨanga rewe. Erëi umbɨyemboɨ umɨanga reta, echa’ä tembiurä jetaete ye ramo. Jáeramo upi reta umɨanga mbae rewe.

Génesis 41:49 Iomraidhean Croise

Génesis 41:48

Jayawe José umbatɨka jetaete tembiurä jokua chiu año mbaewɨye ikawi wae reta iko rambuewe ɨwɨ Egipto pe, jare upika tëta wasu ɨwɨ Egipto pewa reta rupi. Opaete koo reta wi José umbatɨka mbaewɨye, jare upika pëti pëti tëta wasu rupi koo reta tëta wasu wi koiño oï wae wi.

Génesis 41:50

Ndei karuái wasu ou uwäe mbowe, José jembireko Asenat ime mokui imembɨ kuimbae. Asenat ko Potifera jee wae tayɨ. Potifera ko jae tëta wasu On jee wae pewa, jare pëti tumparaanga re umbɨadora wae reta itenondewa.

1 Samuel 13:5

Erëi jokua rambuewe uyembatɨ jeta filisteo isɨndaro reta uñeräro waerä Israel pewa reta ndiwe. Umbatɨ reta mbapɨ miri ikarosa ñeräro pewa jare owa miri sɨndaro opo kawayu re wae reta. Umbatɨ reta wi sɨndaro ɨwɨ rupi uñeräro wae reta jeta ye ye ɨwɨkuïti mar jembeɨ pe oï wae rami. Jare upɨta reta tëta wasu Micmas jee wae pe, tëta wasu Bet-avén jee wae wi warasɨ oë wae kotɨ.