Génesis 41:40 - Biblia

⁴⁰ “Añawe wiwe nde ndikota opaete kua ɨwɨ imburuwicha reta itenondewarä,” jei chupe. “Opaete cheɨwɨ pewa reta tuyapo nde ndere wae rupi uipɨu rewe. Jaeño che anoita mbaepuerete ndewi, echa’ä che ko jae mburuwicha wasu.

Génesis 41:40 Iomraidhean Croise

Génesis 39:9

“Cheya umee chewe mbaepuere opaete ïru uyeyokui chupe wae reta re jare opaetei imbaembae reta re. Umbɨete’ä chewe mbae awe – jaeño nde, echa’ä nde ko jae jembireko ramo. Aipota’ä etei ayapo kua mbae kachi wae, echa’ä kua mbae kachi wae rupi ayawɨta Tumpa kotɨ etei,” jei José kuña pe.

Génesis 44:18

Jayawe Judá oya katu José re jare jei chupe: “Chemburuwicha, emaeño mii cheré ayemɨngeta waerä nde ndiwe kua rewa,” jei. “Awɨye mii ndepochɨ chewe. Echa’ä mburuwicha wasu rami ko nde jare ime nenoi opaete mbaepuere oreré,” jei chupe.

Génesis 45:26

Jare yuraa uwäe reta yawe jëta pe, imiäri reta tu pe: “¡Imeño yepe nderaɨ José iko! ¡Jae yepe opaete ɨwɨ Egipto pewa mburuwicha reta itenondewa!” jei imiäri reta tu pe. Jare kua uyandu yawe, Jacob ipɨakañɨete. Yawaiete chupe wɨrowia waerä.

Hechos 7:10

Jare jekuaeño omborɨ José opaete yembɨawái reta rupi,” jei. “Joko wi Tumpa umbɨpɨakawi mburuwicha wasu ɨwɨ Egipto pewa umae kawi waerä José re. Jae uikuaa iko Tumpa umee José pe arakuaa. Jáeramo mburuwicha wasu umbɨjee José opaete ɨwɨ Egipto pewa reta imburuwicharä. Jukuärái José wɨreko mbaepuere opaete Egipto pewa reta re, jare mburuwicha wasu jëtara reta re wi,” jei Esteban chupe reta.