Génesis 41:32 - Biblia

³² “Ndepau mokui wese wae uikuaaka oï ndewe jokua uyeyapota ko wae, jare ɨmambae rupiño Tumpa uyapota oï,” jei José mburuwicha wasu pe.

Génesis 41:32 Iomraidhean Croise

Génesis 37:7

“Opa rewe yaparawɨkɨ ñaï yandeko pe yayokua ñaï trigo. Aramoiño che ayokua wae uyemboɨ, jare pe reta piyokua wae reta uyembatɨ jese iyɨpɨ rupi jare itindɨ reta che ayokua wae jowai.” Jukuärái jei imiäri chupe reta.

Génesis 37:9

Joko wi upau ye José, jare imiäri ye tɨkeɨ reta pe ipau rewa kuärái: “Apau ye jare aecha warasɨ, yasɨ, jare once yasɨtata reta uñeñono reta cherowai uipɨu rewe,” jei imiäri chupe reta.

Génesis 41:25

Jayawe José jei mburuwicha wasu pe: “Ndepau reta uipota jei pëti waeño,” jei. “Tumpa uikuaaka oï ndewe jae uyapota oï wae,” jei chupe.

Génesis 41:28

“Jukuärái che jae ndewe, mburuwicha wasu, Tumpa uikuaaka oï ndewe jae uyapota oï wae,” jei.

Génesis 41:31

“Jukuärái opata iñakañɨ reta jokua tenonde chiu año mbaewɨye jetaete wae wi, echa’ä karuái wasu jasɨeteta ko,” jei.

San Mateo 24:35

“Pepuere pikuaa kua ñee che jae aï pewe wae añetete ko. Echa’ä yepe tëi ara jare ɨwɨ opata ko, erëi chiñee ndaraúi opa,” jei chupe reta.

San Mateo 25:34

“Joko wi che mburuwicha wasurä aïta wae, jaeta cheakata kotɨ ñonoï wae reta pe: ‘CheRu uyapo ma pewe piyekou waerä che ndiwe che opaete wae imburuwicha wasurä aï wae re. CheRu kua uyapɨkatu ma pewe ɨwɨ uyembɨpɨ wiwe. Peyu piyekou jese.

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

Marcos 10:40

“Erëi chepuere’ä jae pewe pëti wae uwapɨ waerä cheakata kotɨ jare ïru cheaso kotɨ. Echa’ä cheRu Tumpa uyapɨkatu ma jokua tenda reta kía nunga jae uiparawo wae reta pewarä,” jei chupe reta.

1 Corintios 2:9

Erëi ¿këraita ra ipuere uikuaa reta? Echa’ä Tumpa iñeerɨru pe jei yandewe kuärái: “Tumpa uyapɨkatu ma mbaembae ikawiete ye ye wae kía kía uau Tumpa wae reta pewarä. Erëi mbaetɨi kiawe uecha jare uyandu jokua mbaembae rewa wae. Jare mbaetɨi wi kiawe ipɨa pe yepe uyemɨngeta jese wae, echa’ä ikawiete ye ye wae ko.” Jukuärái uyekuatía oï.

2 Corintios 13:1

Mokui wese ma a apou pepɨ. Jare añawe ata apou ye aï pepɨ. Kua re mbapɨ wese ma. Pikuaa kawi peï taɨkue rupi apou aiko pepɨ yawe, che jae jokua teko kachi rupi yureko wae reta pe: “Che ayu ye yawe, aiporarakata aï pewe peya’ä yawe pereko kachi. Jare jukuärái ayapota aï ipotawe wae pe ueya’ä yawe jeko kachi,” jae chupe reta. Jare añawe, yepe tëi aï'ä pe reta ndiwe joko pe, erëi pumɨmandúa aï jokua re kua aikuatía aï pewe wae rupi. Echa’ä Tumpa iñeerɨru pe jei yandewe kuärái: “Ime yawe kía teko uyapo wae, imeta ko imiäri jese mokui ani mbapɨ wae uikuaa kawi jokua teko wae, jukuärái yaikuaa waerä añetete ra.” Jukuärái jei.

Apocalipsis 9:15

Jayawe araɨwa oo oyora jokua irundɨ araɨwakue reta jae reta yuraa uyukaka waerä mbɨte seri ɨwɨ pewa reta. Kua araɨwakue reta, ɨma rupi Tumpa uyapɨkatu ma yepe oñono. Jare uäro yureko jokua año, jare jokua yasɨ, jare jokua ara, jare jokua ora etei.