Génesis 41:26 - Biblia

²⁶ “Jokua chiu waka ikɨra wae reta jare jokua chiu trigo jäka yawɨye kawi wae reta mokui rewe uyembɨjaanga chiu año reta re. Jae ko chiu año opaete koo reta kua ɨwɨ Egipto pewa imeta jeta ye ye mbaewɨye wae,” jei.

Génesis 41:26 Iomraidhean Croise

Génesis 2:24

Jáeramo kuimbae usɨrɨta tu jare ichɨ wi iko tee waerä jembireko ndiwe. Jare mokui wae uyeyapota pëti ramiño.

Génesis 40:12

Jayawe José jei chupe: “Kua ko jae ndepau uipota jei wae: Jokua mbapɨ jäka wae reta uyembɨjaanga mbapɨ ara reta re,” jei.

Génesis 40:18

Jayawe José jei chupe: “Kua ko jae ndepau uipota jei wae: jokua mbapɨ canasta reta uyembɨjaanga mbapɨ ara reta re,” jei.

Génesis 41:2

Jare aramoiño jae uecha oë reta ɨ wasu wi chiu waka maepöra jare ikɨra kawi wae reta. Jare yuweru ukaru ɨ wasu jembeɨ rupi.

Génesis 41:25

Jayawe José jei mburuwicha wasu pe: “Ndepau reta uipota jei pëti waeño,” jei. “Tumpa uikuaaka oï ndewe jae uyapota oï wae,” jei chupe.

Génesis 41:27

“Jare jokua chiu waka kachi jare ipiru wae reta jare jokua chiu trigo jäka pöiraɨ wae jare ipiru wae reta uyembɨjaanga chiu año reta re imeta karuái wasu wae,” jei chupe.

Génesis 41:29

“Tenonde outa rani chiu año mbaewɨye jeta ye ye wae opaete kua ɨwɨ Egipto rupi,” jei.

Génesis 41:47

Jokua chiu año ikawi wae rambuewe, opaete temitɨ uñeñotɨ wae yawɨye kawiete.

Génesis 41:5

Jare oke ye yawe, jekuae upau ye. Jare ipau pe uecha aramoiño jeñɨ pëti trigo iɨ, jare oë woi chiu jäka yawɨye kawi jare maepöra wae reta.

Génesis 41:53

Jare jokua chiu año ikawi wae reta uasa ma yawe, uyembɨpɨ chiu año karuái tuicha wae kërái José jei rami. Jare jokua karuái tuichaete wae uwäe opaete ambɨembɨe ɨwɨ reta rupi. Jukuärái wi ɨwɨ Egipto pe opaete umaetɨ wae jeñɨ'ä etei. Erëitu joko pe ime jokua tembiurä upikue reta wae.

Éxodo 12:11

Tuyemonde kawi tukaru reta aramoi pewa yuraa reta waerä. Jare turaa wi ipopoka reta. Tukaru reta ɨmambae,’ pemɨmbeu chupe reta,” jei. “Pemɨmbeu wi chupe reta kuärái: ‘Jokua tembiu ikota piyemɨmandúa waerä chearasɨ ambɨasa ma pewi wae.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.