Génesis 41:25 - Biblia

²⁵ Jayawe José jei mburuwicha wasu pe: “Ndepau reta uipota jei pëti waeño,” jei. “Tumpa uikuaaka oï ndewe jae uyapota oï wae,” jei chupe.

Génesis 41:25 Iomraidhean Croise

Génesis 40:8

Jayawe jae reta jei chupe: “Ore ndupau pɨare, jare nduipota tëi nduikuaa orepau rewa. Erëi kua pe mbaetɨ kiawe uikuaaka waerä orewe,” jei reta chupe. Jayawe José jei chupe reta: “Pemiäri chewe pepau wae, echa’ä Tumpaño ko uikuaaka yandewe yandepau uipota jei wae. Jare Tumpa uikuaakata chewe pepau rewa,” jei chupe reta.

Génesis 41:16

Jayawe José jei mburuwicha wasu pe: “Che jae’ä ko aikuaaka pau rewa wae. Tumpa ko jae uikuaakata ndewe ndepau rewa wae jare nembɨpɨakatuta,” jei chupe.

Génesis 41:26

“Jokua chiu waka ikɨra wae reta jare jokua chiu trigo jäka yawɨye kawi wae reta mokui rewe uyembɨjaanga chiu año reta re. Jae ko chiu año opaete koo reta kua ɨwɨ Egipto pewa imeta jeta ye ye mbaewɨye wae,” jei.

Génesis 41:28

“Jukuärái che jae ndewe, mburuwicha wasu, Tumpa uikuaaka oï ndewe jae uyapota oï wae,” jei.

Génesis 41:32

“Ndepau mokui wese wae uikuaaka oï ndewe jokua uyeyapota ko wae, jare ɨmambae rupiño Tumpa uyapota oï,” jei José mburuwicha wasu pe.

Éxodo 9:14

Erëi nemaeño’ä oë yuraa reta yawe, jeiete aiporarakata ndewe, jare nemborɨa nembɨarakuaa wae reta pe, jare opaete ndeɨwɨ pewa reta pe. Jukuärái ndikuaata neï mbaetɨ ko che rami wae opaete ɨwɨ rupi.

San Mateo 24:40

“Yandepuere yambɨjaanga kërái uasata oï jokua ara wae kuärái: Imeta mokui kuimbae uparawɨkɨ ñonoï pëti koo pe. Jare pëti wae uyereraata, jare ïru wae uyereyata,” jei chupe reta.

Marcos 13:23

“Jayawe piyandareko kawi piyé kuri. Aikuaaka aï pewe opaete uyeyapota oï wae ndei uyeyapo mbowe pe reta pikuaa peï waerä,” jei Jesús jemimboe reta pe.

Efesios 1:17

Aeka aï chupe umee pewe waerä arakuaa Espíritu Santo rupi, jukuärái pikuaa kawi waerä Tumpa, yandeYa Jesucristo Tu jupiete ye wae.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.