Génesis 41:1 - Biblia

¹ Joko wi mokui año ma uasa yawe, pëti pɨ̈tu mburuwicha wasu oke iko yawe, upau. Jare ipau pe jae iko ɨ wasu Nilo jee wae jembeɨ pe.

Génesis 41:1 Iomraidhean Croise

Génesis 28:12

Jare Jacob oke iko rambuewe, upau. Jare aramoiño uecha ipau pe pëti yupika ɨwɨ wi oo ara re oya wae. Jare uecha wi Tumpa iaraɨwa reta uyupi ñonoï jare uweyɨ ñonoï jokua yupika rupi.

Génesis 40:23

Erëi mburuwicha wasu pe vino umeeñoi wae iñakañɨ José wi jare umɨmbeu’ä mburuwicha wasu pe jesewa.

Génesis 40:5

Pëti pɨ̈tu jokua mokui mburuwicha wasu pe uyeyokui wae reta upau reta. Jare pëti pëti ipau reta ime wɨreko mbae uipota jei iko wae.

Génesis 41:2

Jare aramoiño jae uecha oë reta ɨ wasu wi chiu waka maepöra jare ikɨra kawi wae reta. Jare yuweru ukaru ɨ wasu jembeɨ rupi.

Éxodo 1:22

Jáeramo mburuwicha wasu oyokui opaete ɨwɨ Egipto pewa reta jare jei chupe reta: “Pemombo kuri ɨ wasu Nilo pe opaete sambiaɨ kuimbae hebreo jaeramo oa wae reta. Erëi oa yawe sambiaɨ kuña, pemaeño tuiko,” jei mburuwicha wasu chupe reta.

Éxodo 4:9

“Erëi ndererowia’ä reta yawe jokua mokui ndiyapo wae rupi, jare uyapɨsaka’ä ñeño reta yawe niñee re, jayawe ekua eki ɨ ɨ wasu wi jare epɨyere ɨwɨ utini wae re. Jare ɨwɨ re jokua ɨ uyeyapota tuwɨ,” jei Tumpa Moisés pe.

San Mateo 27:19

Jayawe Pilato uwapɨ kiape ipuere waerä mbae jei kía jeko rewa. Jare joko pe uäro jae reta mbae jei waerä. Jare uäro iko rambuewe, jembireko ombou kía jei chupe waerä: “Awɨye iyapo mbae jokua kuimbae jupi wae pe. Echa’ä pɨare apau pochɨ jesewa; jáeramo chepɨa ikawi’ä oï,” jei chupe.