Génesis 40:8 - Biblia

⁸ Jayawe jae reta jei chupe: “Ore ndupau pɨare, jare nduipota tëi nduikuaa orepau rewa. Erëi kua pe mbaetɨ kiawe uikuaaka waerä orewe,” jei reta chupe. Jayawe José jei chupe reta: “Pemiäri chewe pepau wae, echa’ä Tumpaño ko uikuaaka yandewe yandepau uipota jei wae. Jare Tumpa uikuaakata chewe pepau rewa,” jei chupe reta.

Génesis 40:8 Iomraidhean Croise

Génesis 40:9

Jayawe mburuwicha wasu pe vino umeeñoi wae imiäri José pe ipau rewa jare jei chupe: “Chepau pe aecha pëti uva iyɨpɨ oï cherowai,” jei.

Génesis 41:25

Jayawe José jei mburuwicha wasu pe: “Ndepau reta uipota jei pëti waeño,” jei. “Tumpa uikuaaka oï ndewe jae uyapota oï wae,” jei chupe.

Isaías 8:19

Aramoi kía jeita pewe: “Jokua kía jei ipuere uyemɨngeta umanokue wae reta iä ndiwe wae, pekua pepɨrandu chupe pembɨarakuaa waerä,” jeita pewe. Jare aramoi kía jeita pewe: “Pekua pepɨrandu upurumbusuerte wae reta pe pembɨarakuaa waerä.” Jukuäraita jei pewe aramoi. Erëi awɨye piyapɨsaka jese reta. Echa’ä umanokue wae reta ipuere’ä uikuaaka yandewe mbae yanderekowe ñanoi wae reta pe. Jekuaeño ikawi ko yaeka waerä Tumpa pe.