Génesis 40:19 - Biblia

¹⁹ “Jáeramo kua wi mbapɨ ara pe, mburuwicha wasu nerenoekata oï kua wi jare kɨsepuku pe ndayumondookata. Jare nderetekue uesɨ̈rokata pëti ɨwɨra re. Jare joko wi uruwɨ reta yuweruta jou ndewi nderetekue,” jei José chupe.

Génesis 40:19 Iomraidhean Croise

Génesis 40:13

“Jáeramo kua wi mbapɨ ara pe, mburuwicha wasu nerenoekata oï kua wi jare umee yeta ndewe ndiyeyokui ye waerä chupe. Nemee yeta neï mburuwicha wasu pe vino icopa pe tenonde ndiyapose wae rami,” jei chupe.

Génesis 40:17

“Jare canasta iaramoete oï wae tɨnee oï opa yea mbɨyape mburuwicha wasu uyúe wae. Erëi wɨra reta yuweru jou jokua canasta chäka iáramo oï wae wi,” jei José pe.

Génesis 40:18

Jayawe José jei chupe: “Kua ko jae ndepau uipota jei wae: jokua mbapɨ canasta reta uyembɨjaanga mbapɨ ara reta re,” jei.

Génesis 40:20

Joko wi mbapɨ ara pe, mburuwicha wasu iara uwäe. Jayawe jae uyapo arete opaete chupe uyeyokui wae reta itenondewa reta ndiwe. Jare arete uyapo iko rambuewe, onoeka peresorɨru wi mburuwicha wasu pe vino umeeñoi wae jare mbɨyape uyapo chupe wae reta itenondewa, jare ueruruka opaete arete pe ñonoï wae reta jowai.

Génesis 40:22

Erëi uyayumondooka kɨsepuku pe mbɨyape uyapo wae reta itenondewa, jare jetekue uesɨ̈roka ɨwɨra pe kërái José uikuaaka chupe wae rami ipau rewa.

Génesis 41:13

“¡Jare uyeyapo orewe jae jei wae etei! Nde nemee ye chewe cherenda ayeyokui ye waerä ndewe, jare ndiyukaka mbɨyape uyapo wae reta itenondewa.” Jukuärái jei mburuwicha wasu pe.

Gálatas 3:13

Jayawe yepe tëi yande yaiko’ä ko jupi rupi opaete Tumpa arakae jei Moisés pe wae rupi, jare jokua jeko pewa Tumpa iarasɨ pe yaikose, jesewe yandeYa Cristo yanderepɨ ma chuwi. Echa’ä Tumpa iarasɨ oata tëi iko yanderé wae oa Cristo re yandepepɨka pe jae uyekutuka iko kurusu re rambuewe. Jukuärái jei yandewe Tumpa iñeerɨru pe jei yawe: “Kía uyekutuka ɨwɨra re wae, Tumpa iarasɨ toa jese.”