Génesis 4:4 - Biblia

⁴ Jare Abel uiparawo amokue wae iowecha reta imembɨrɨpɨ ikawiete wae, jare uyuka, jare ueru umee waerä Tumpa pe mɨmba isoo ikawiete wae jare ikɨra wae. Jare Tumpa uyerowia umae Abel re jare jokua jae ueru wae re.

Génesis 4:4 Iomraidhean Croise

Génesis 15:17

Jayawe warasɨ uike ma yawe jare pɨ̈tumimbi ma iko yawe, uyekuaa aramoiño chupe pëti horno jatäti wae jare pëti tatasɨwe jendɨ wae. Jare mokui rewe uasa jokua mbaemɨmba umbɨyao wae reta mbɨte rupi.

Génesis 4:3

Amokue año uasa ma yawe, pëti ara Caín ueru umee waerä Tumpa pe amokue imbaewɨye iko pewa.

Éxodo 13:12

“Joko pe piñono teeta ko Tumpa pewarä opaete peraɨrɨpɨ. Jae ramiño wi opaete perɨmba reta imembɨrɨpɨ kuimbae ikota Tumpa pewarä.

Hebreos 11:4

Yanemandúa kawi ñaï Abel re. Jae wɨrowia Tumpa jei wae re; jáeramo wɨraa mbaemɨmba uyuka umee Tumpa pewarä. Jare jukuärái umee chupe mbae ikawiete wae tɨkeɨ Caín mbae umee wae wi. Jáeramo Tumpa uikuaaka yandewe jae umae Abel re jeko mbae wae rami, jare uyemɨngeta kawi jokua Abel ueru umee chupe wae re. Jare yepe tëi Abel umano, erëi jae jeko imeño yanemboe oï añawe rewa kërái yarowia waerä Tumpa re.

Hebreos 9:22

Echa’ä Tumpa arakae jei wae rupi opaete seri uyeyoe oï Tumpa kotɨ tuwɨ pe. Jare mbaetɨ tuwɨ uyepɨyere yawe, Tumpa ndarau etei umbái mbaembae yayawɨ ikotɨ wae.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.